ЗАХАВАЦЬ І ЎМАЦАВАЦЬ АДЗІНСТВА
«Далёкі Усход – далёкі, але нашанскі. Айчына ў нас адна, хоць мы і жывём у дзвюх дзяржавах. Мы ў адрозненне ад некаторых рэспублік захавалі гэта адзінства, і мы поўныя рашучасці яго ўмацаваць», – сказаў Аляксандр Лукашэнка і выказаў упэўненасць, што Беларусь і Расія абавязкова выстаяць у бягучых абставінах.
Кіраўнік нашай дзяржавы падкрэсліў, што расіяне заўсёды могуць разлічваць на дапамогу з боку Беларусі. «Ведайце, мы заўсёды будзем побач, як бы ні складвалася абстаноўка. І не трэба камусьці думаць, што Расія такая вялізная… Сапраўды моц – паўдня трэба ляцець з аднаго краю ў другі край. Беларусь меншая. Але справа ж не ў гэтым: малы залатнік, ды дарагі», – сказаў Прэзідэнт.
А. Лукашэнка падкрэсліў, што ў Беларусі добра ўспрынялі рашэнне Расіі пра прадастаўленне магчымасці работы беларускім прадпрыемствам на касмадроме Усходні. «Гэта вельмі моцны крок. У савецкія часы беларуская школа была маяком для будаўнікоў усяго Савецкага Саюза. Краіна пасля вайны была практычна знішчана, многае па тых сучасных тэхналогіях давялося аднаўляць. Не толькі простыя дамы, жыллё і іншае, але і буйныя прамысловыя аб’екты. Мы гэта захавалі. У нас ёсць буйныя прыватныя кампаніі і вельмі магутныя дзяржаўныя будаўнічыя трэсты, якія не проста будуюць з нуля і пад ключ, але і маюць свае магутнасці па вытворчасці будаўнічых матэрыялаў», –заўважыў Прэзідэнт.
«Нарэшце мы сталі гандляваць за расійскія рублі, і газ купляць, і нафту, і іншае. Нас гэта задавольвае», –адзначыў беларускі лідар.
Кіраўнік дзяржавы згадзіўся, што санкцыі вядуць да лішніх праблем. Паводле яго слоў, Беларусь і Расія справяцца з імі і паступова вырашаць усе пытанні, аднак час, які можна было б патраціць на больш хуткі рух наперад, ідзе на пошук абходных шляхоў.
На гэтым фоне Расія мае намер падтрымаць беларускія НПЗ. Таксама падчас перагавораў абмяркоўвалася далейшае фарміраванне агульнага рынку, кааперацыя ў сельскай гаспадарцы і прамысловасці, ваеннае супрацоўніцтва.
Аляксандр Лукашэнка расказаў, што з Уладзімірам Пуціным яны дэталёва абмеркавалі актуальныя пытанні двухбаковага парадку дня – палітычныя, дыпламатычныя, эканамічныя і, вядома, ваенныя, абаронныя. Пры гэтым Прэзідэнт Беларусі падкрэсліў, што ў нашай сучаснай гісторыі такіх небяспечных і складаных момантаў ва ўзаемаадносінах з Захадам яшчэ не было.
Паводле яго слоў, Беларусь і Расія цяпер паглыбляюць супрацоўніцтва па ўсіх напрамках. Урады дзвюх краін ужо падрыхтавалі аб’ёмныя пакеты мер па пераадоленні санкцыйнага націску, падтрымцы эканомік, развіцці кааперацыі і імпартазамяшчэння, перанастройцы лагістычных ланцужкоў і пераходзе на новы механізм супрацоўніцтва на знешнеэканамічным полі.
«Рэагуючы на бягучыя праблемы, мы ўжо сёння павінны глядзець у заўтрашні дзень, закладваць прынцыпова новую эканамічную стратэгію развіцця будаўніцтва Саюзнай дзяржавы на доўгатэрміновую перспектыву», – адзначыў беларускі лідар. ■
Паводле матэрыялаў БелТА.
Москва готовится к старту нового туристического сезона и рада встретить гостей на масштабном благотворительном фестивале…
За 120 лет профсоюзами Беларуси накоплен колоссальный опыт, заявил председатель Федерации профсоюзов Беларуси Юрий Сенько,…
Я с другом после сдачи экзаменов возвращаюсь в родной город. Без дела сидеть не хочется,…
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…