Міжнародны дзень роднай мовы ў нашай установе праходзіў пад дэвізам «Рускай мове дай разгрузку, гавары па-беларуску!». Таму з раніцы ў панядзелак у школе панавала беларускамоўнае асяроддзе. На першым паверсе ўсіх сустракалі настаўнікі ў нацыянальных строях і ўручалі эмблему свята – блакітную валошку. Тут жа навучэнцам прапаноўвалі далучыцца да чэленджа «Мова родная – мова модная!», дзе трэба было напісаць сваё любімае слова пабеларуску. Яно пасля прымацоўвалася да імправізаванага «воблачка слоў».
На перапынках у фае гучалі беларускія песні і праходзіла акцыя «Гавары са мной па-беларуску!», падчас якой вучні выцягвалі картку і называлі намаляваны там прадмет па-беларуску. А яшчэ можна было паспрабаваць свае сілы ў флэш-батле «Хуткапрамаўлянкі. Чытаем разам». Лепшыя знаўцы беларускай мовы з 5 – 6 класаў скарысталіся магчымасцю і сталі актыўнымі ўдзельнікамі абласнога анлайн-турніру, які праводзіўся Віцебскім дзяржаўным універсітэтам.
Аднак самым маштабным і доўгачаным мерапрыемствам свята мовы стаў школьны кірмаш, да якога старанна рыхтаваліся ўсе вучні, бацькі і настаўнікі. На кірмашы можна было набыць беларускія нацыянальныя стравы, прысмакі, печыва. Вучні-гандляры рэкламавалі свае тавары, запрашаючы пакупнікоў да сябе. Трэба адзначыць, што кірмаш і для пакупнікоў, і для прадаўцоў прайшоў удала: усе тавары былі прададзены і настрой ва ўсіх быў найлепшы.
Якуб Колас казаў: «Ніякае багацце людзей не бывае даражэйшым за іх родную мову». І школьнае свята дало вучням цудоўную магчымасць дакрануцца да каштоўнага скарбу нашага народа – роднай мовы і культуры. ■
Соф’я СЦЕФАНОВІЧ, вучаніца 6 класа
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…