З добрымі вынікамі ўступіў у другі год пяцігодкі калектыў камбіната бытавога абслугоўвання. Сацыялістычнае спаборніцтва за дастойную сустрэчу 50-годдзя савецкай улады прынесла калектыву заслужаны поспех: мінулагодні план выкананы на 113,2 %. Асабліва пашчыравалі майстры кравецкіх майстэрань: для працоўных раёна пашыта 2 116 паліто, 2 569 сукенак і 1 354 касцюмы. Дасягнутыя паказчыкі акрыляюць калектыў на новыя поспехі.
– У мінулым годзе 800 маленькіх грамадзян нарадзілася ў Браслаўскім раёне. У тым ліку ў Слабодкаўскім сельсавеце – 67, у Іказненскім – 69, у Відзах прыбавілася 73 дзіцяці.
– Добра папрацавалі летась работнікі Спрындаўскага аддзялення сувязі. Яны пабывалі ва ўсіх хутарах і вёсках, ахапілі падпіскай кожную сям’ю і распаўсюдзілі каля 900 экз. газет і часопісаў.
– Задаволены жыхары в. Вазгелянцы: перад самым Новым годам успыхнулі лямпачкі Ільіча ў новым будынку. Тут размясціўся фельчарска-акушэрскі пункт, які раней знаходзіўся на хутары.
Старанна працуюць і культурна адпачываюць жыхары в. Дрысвяты. На работу ж грамадскай лазні ўзнікаюць у іх нараканні. Раней вяскоўцы маглі памыцца кожны тыдзень, цяпер – праз адзін: так чамусьці распарадзілася кіраўніцтва саўгаса «Відзаўскі». І работнік лазні перастаў наглядаць за парадкам. Памяшканне амаль не прыбірае, увесь час не хапае вады: часта даводзіцца вяртацца дадому, нават не змыўшы мыла. Дырэкцыі саўгаса трэба праявіць больш увагі да патрэб людзей.
Партыйная арганізацыя сельгасарцелі «Дружба» налічвае ў сваіх радах 15 камуністаў. Як і хто з іх апраўдвае сябе на даручаным участку, ішла размова на нядаўнім сходзе. Яго ўдзельнікі адзначылі, што ў большасці члены партыі з гонарам нясуць высокае званне, служаць прыкладам у працы, праяўляюць ініцыятыву, добра паводзяць сябе ў быце. Аднак асобныя з іх стараюцца не ў поўную меру, дапускаюць амаральныя ўчынкі і тым самым парушаюць Статут КПСС. Настойліва працаваць над павышэннем свайго ідэйнатэарэтычнага ўзроўню – абавязак кожнага камуніста.
Гадоў 20 таму назад у казянскіх мясцінах рэдка можна было ўбачыць машыну або трактар. А цяпер укараняюцца механізмы і ў жывёлагадоўлі: у кароўніку вада сама бяжыць па трубах да аўтапаілак, устаноўлены транспарцёр для выдалення гною, няма неабходнасці цягаць мяхі са збажыной у свірне. Калгас «Гвардыя» поўнасцю электрыфікаваны, сіласарэзкі, льномялкі, пілараму і іншае абсталяванне прыводзяць у рух электраматоры. Усёй гэтай тэхнікай кіруюць спецыялісты, 35 чалавек водзяць трактары, 10 – аўтамашыны.
Задумала брыгадзір калгаса імя Чарняхоўскага адзначыць свой дзень нараджэння. Купіла гарэлкі, моцна выпіла. А калі трэба было з’явіцца ў праўленне, схавалася ў салому. Але пра тое, што яна купляла ў магазіне гарэлку, ведалі члены брыгады. «Дудкі, – вырашыла жанчына, – цяпер я буду хітрэйшай». І перайшла на «самаабслугоўванне»: адзін раз выгнала самагонку, рыхтавалася і другі. Ды на гэты раз не ўдалося, бо папалася і заплаціла 150 рублёў штрафу. І правільна, каб іншы раз непавадна было.
У конкурсах-аглядах «Салют Кастрычніку» і «Ззяйце, ленінскія зоркі» ўдзельнічалі ўсе камсамольцы і піянеры Малькаўскай сярэдняй школы. У канцы навучальнага паўгоддзя педагагічны савет сумесна з камітэтам камсамола падвялі вынікі і вызначылі пераможцаў – усяго 13 вучняў. Згодна з умовамі, яны атрымалі права на экскурсію ў Ленінград. За 4 дні школьнікі пазнаёміліся з гістарычнымі месцамі, помнікамі культуры, творамі мастацтва. Асаблівае ўражанне пакінула наведванне Смольнага і кабінета, дзе працаваў У. І. Ленін.
Калі пасажыр, які 22 студзеня сабраўся ехаць з гарадскога пасёлка Відзы ў Браслаў, падаў грошы за паездку, касір запатрабаваў, каб той купіў і білет грашова-рэчавай латарэі. Ён не захацеў слухаць ніякіх довадаў і нават… адмовіўся выдаць квіток на аўтобус. Добра, што кандуктар паспачувала і, запрасіўшы ў салон, прадала праязны білет. Пасажыры з абурэннем гавораць пра частыя «ноўшаствы» ў касе, а як аказалася, гэты грубіян зусім і не касір. А чаму ён там сядзіць, нікому невядома. Можа, дырэкцыя аўтабазы адкажа? ■
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…