Іх утульны дом у Гірэйшах напярэдадні навагодніх свят з найлепшымі пажаданнямі наведалі старшыня раённага Савета дэпутатаў Ніна Пучынская, якая таксама прадстаўляе ГА «Беларускі саюз жанчын», і галоўны спецыяліст аддзела райвыканкама па адукацыі Ірына Мацук. Гаспадыня са сваім надзейным памочнікам, мужам Эдуардам, і выхаванцамі ветліва сустрэлі гасцей. У акуратна прыбраным пакоі дзяцей, дзе зіхацела ўпрыгожаная ёлка, васьмікласніца Карына, сямікласнік Мікіта і пяцікласнік Сяргей расказалі пра сваю вучобу, поспехі і захапленні. Дарэчы, Алена ўсе іх дасягненні занатоўвае ў спецыяльных альбомах, запоўненых граматамі і дыпломамі. Гэта не дзіўна, бо дзеці добра займаюцца ў школе, захапляюцца спортам, і кожны праяўляе здольнасці ў любімым занятку: Сяргей ахвотна працуе з дрэвам, Мікіта складае вершы і спрытна ловіць рыбу, Карына ж мае відавочную схільнасць да мастацкай творчасці (яе карцінамі ў тэхніцы алмазнага жывапісу ўпрыгожаны ўсе пакоі ў доме).
Алена і Эдуард выгадавалі дзвюх дачок і сына, маюць шасцярых унукаў, але іх клопату і душэўнай цеплыні хапае на ўсіх. «Мае дзеці», – кажа А. Крывель, маючы на ўвазе Карыну, Мікіту і Сяргея. «Нашы», – папраўляе яе муж. Прыемна бачыць, што іх выхаванцы жывуць ва ўтульнай, а самае галоўнае, дамашняй добразычлівай абстаноўцы.
На гэта і звярнула ўвагу Ніна Пучынская, віншуючы дзетак з зімовымі святамі. «Вы сёння ахоплены клопатам, увагай і любоўю – не ва ўсіх так бывае. Мы рады за вас», – сказала яна, дала наказ вучыцца толькі добраму і, нагадаўшы пра рэспубліканскую акцыю «Нашы дзеці», разам з Ірынай Мацук уручыла падарункі з пажаданнямі, каб ад іх дзецям было цёпла, камфортна, і, безумоўна, смачна. ■
На этой черно-белой фотографии запечатлен момент присяги браславчанки Ирины Корвель, которая отправилась в командировку в…
«Не бяруся за справу, якую не магу зрабіць, не люблю інтрыг, валодаю неўтаймоўным аптымізмам, люблю…
Уже несколько лет кряду браславчан волнует качество воды, которая течет из кранов в их домах…
В Витебской области 27 апреля будет дан старт региональному этапу чемпионата Республики Беларусь по футболу…
Концепция национальной безопасности и Военная доктрина Республики Беларусь, которые были утверждены на заседании VII Всебелорусского народного собрания, официально…
Совсем недавно белорусский парламент принял поправки в законы по национальной безопасности. Одно из главных новшеств…