Урачыстыя мерапрыемствы, прысвечаныя Дню Перамогі, прайшлі і ў сельскіх населеных пунктах Браслаўшчыны. Напрыклад, у Іказні старшыня сельвыканкама Іна Лысенка ў суправаджэнні ганаровага каравула ваеннаслужачых Полацкага пагранатрада адкрыла мітынг, прысвечаны 76-й гадавіне перамогі ў Вялікай Айчыннай вайне, са слоў гонару за ўсіх жывых, загінулых і памерлых ужо ў мірны час воінаў, якія самаахвярна змагаліся за мір для нашчадкаў. Таму свята Перамогі самае радаснае і светлае, нягледзячы на тое, што практычна кожная беларуская сям’я па сённяшні дзень перажывае страты ваеннага ліхалецця.
На лёс воінаў-афганцаў выпала доля абараняць інтарэсы Радзімы ўжо ў іншы час. На далёкай афганскай зямлі надавала ім сіл і мужнасці памяць пра гераічнае мінулае сваіх дзядоў. Таму з асаблівым гонарам прадстаўнікі раённага грамадскага аб’яднання «Беларускі саюз ветэранаў вайны ў Афганістане» разам з Інай Лысенка ўсклалі кветкі да помніка загінулым у гады ліхалецця землякам.
Затым была салдацкая каша, прыгатаваная работнікамі сельскага Дома культуры на палявой кухні. Гарачая страва, дарэчы, разышлася амаль у адно імгненне, а гэта значыць, частавацца ёй было каму, нягледзячы на гарачую пару агародніцтва.
Запоўнілі гледачы залу і ў час канцэртнай праграмы. Пачалі яе ўдзельнікі мастацкай самадзейнасці Іказненскага СДК. Затым на сцэну падняліся браслаўскія воіны-інтэрнацыяналісты. Іх песні, авеяныя духам афганскай вайны, так кранулі гледачоў, што апладзіравалі тыя стоячы, са слязамі на вачах. Завяршыў святочныя выступленні вакальна-інструментальны ансамбль Forte, якім аж з 1988 г. кіруе Яўген Качан.
– Мы спецыяльна прыехалі ў Іказнь на мітынг і канцэрт. Ніколькі не шкадуем. Вельмі душэўнае атрымалася мерапрыемства. З задавальненнем паелі кашы з палявой кухні. Смачна. Да глыбіні душы кранулі песні ўсіх выканаўцаў. Шчыра дзякуем усім арганізатарам за святочны настрой.■
На этой черно-белой фотографии запечатлен момент присяги браславчанки Ирины Корвель, которая отправилась в командировку в…
«Не бяруся за справу, якую не магу зрабіць, не люблю інтрыг, валодаю неўтаймоўным аптымізмам, люблю…
Уже несколько лет кряду браславчан волнует качество воды, которая течет из кранов в их домах…
В Витебской области 27 апреля будет дан старт региональному этапу чемпионата Республики Беларусь по футболу…
Концепция национальной безопасности и Военная доктрина Республики Беларусь, которые были утверждены на заседании VII Всебелорусского народного собрания, официально…
Совсем недавно белорусский парламент принял поправки в законы по национальной безопасности. Одно из главных новшеств…