У МТК з палачанкамі даўнія сяброўскія сувязі, таму яны з задавальненнем адгукнуліся на прапанову зрабіць экспазіцыю сваіх пано ў Браславе. Трэба адзначыць, што народны клуб працуе пры цэнтры рамёстваў і нацыянальных культур Полацка і ў яго ўваходзяць жанчыны рознага ўзросту. Майстрыхі старанна вывучаюць і захоўваюць сакрэты традыцыйнага дэкаратыўна-прыкладнога мастацтва. У Браслаў яны прывезлі квілт «Грані», які мае некалькі Гран-пры розных міжнародных конкурсаў, а таксама шэраг пано з абрэзкаў.
– Мы заўсёды рады гасцям, якія прыязджаюць са сваімі работамі да нас. Хутка адбудзецца і сустрэча мясцовых майстроў з прадстаўнікамі Полацка, – расказала загадчык музея Элеанора Зінкевіч.
Несумненна, і палачанкам, і браслаўчанам будзе цікава пабываць і на выстаўцы Веры Шыкалавай. Гэтую жанчыну многія ведаюць як таленавітага і самабытнага майстра саломапляцення. Таксама яна займаецца ткацтвам і шыццём з тканіны. Гэтыя і іншыя ўменні спатрэбіліся і для новага захаплення – вырабу лялек. Яны ў жанчыны атрымліваюцца як жывыя! Пры гэтым нельга знайсці дзвюх аднолькавых: кожная са сваім характарам, асаблівасцямі, з мініяцюрнымі аксесуарамі ручной работы – прадумана кожная дэталь.
– Калі мы ўбачылі такі напрамак творчасці таленавітага майстра, то былі здзіўлены. Вера Шыкалава нідзе не афішыравала яго, а тым часам лялек у яе не адзін дзясятак. Ужо ў музеі падчас падрыхтоўкі выстаўкі наш супрацоўнік Ларыса Дарафейчык іх скампанавала, прыдумала імёны – атрымалася экспазіцыя, дзе ў кожнай лялькі свая гісторыя, – адзначыла Э. Зінкевіч.
Выстаўка аўтарскай лялькі, напэўна, адна з самых прыгожых і казачных экспазіцый за апошні час у раённым аб’яднанні музеяў. Асабліва цікава яе будзе наведаць сям’ям з дзецьмі. Зрабіць гэта можна да канца мая. ■
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…