Гарадскі пасёлак Відзы, размешчаны на раўніннай тэрыторыі Дзісненскай нізіны паміж азёрамі Відзаўскае, Маруга і Ліпалаты, з’яўляецца другім па велічыні населеным пунктам нашага раёна з колькасцю насельніцтва каля 1 400 чалавек.
Па словах старшыні сельвыканкама Наталіі Залатуха, цяпер тут дружна жывуць працалюбівыя беларусы, палякі, рускія, татары, літоўцы, цыганы. Не дзіўна, што герб пасёлка ўпрыгожвае «залатая» пчала – сімвал працавітасці і стараннасці. Дарэчы, выява гэтага руплівага насякомага, якую стварыў з падручных матэрыялаў мясцовы ўмелец Рамуальд Янкун, прыцягвае позірк і на прыдарожным схіле перад уездам у Відзы з боку райцэнтра.
Па архіўных крыніцах пасёлак вядомы з 15 ст. і мае багатую гістарычную спадчыну, таму прыцягальны для турыстаў. Акрамя таго, захавалася тут і шмат даваенных будынкаў, якія яшчэ надзейна служаць людзям. Але час бярэ сваё, населены пункт патрабаваў грунтоўнага абнаўлення. І гэта стала магчыма дзякуючы абласной праграме пераўтварэння гарадскіх пасёлкаў, у якую былі ўключаны і Відзы.
Пасля падрыхтоўкі і ўзгаднення плана першаступенных мерапрыемстваў у вяснова-летні перыяд на вуліцах, у дварах, на тэрыторыях суб’ектаў гаспадарання сацыяльнай і вытворчай галіны, у шматкватэрным жылым фондзе, у грамадскіх месцах адпачынку – усяго на 50-і аб’ектах разгарнуліся грунтоўныя работы. Будаўнікі выконвалі іх як за сродкі абласнога бюджэту (1,1 млн руб.), так і за кошт асобных арганізацый, таму ўдалося ажыццявіць і шмат мерапрыемстваў, якія не ўваходзілі ў план добраўпарадкавання Відзаў на 2020 год.
Наталія Залатуха адзначае, што ў добраўпарадкаванні Відзаў удзельнічалі работнікі каля 20-і арганізацый, размешчаных на тэрыторыі сельсавета, а таксама раённыя, абласнога і рэспубліканскага падпарадкавання, шчыравалі жыхары пасёлка на суботніках. Удасканаленне інфраструктуры населенага пункта праходзіла пад пільнай увагай кіраўніцтва райвыканкама і райсавета, аддзела архітэктуры і будаўніцтва, заказчыкаў і падрадчыкаў. Старшыня сельвыканкама вельмі ўдзячная ўсім, хто штодня клапаціўся, каб Відзы пераўтварыліся як знешне, так і з пункта погляду камфортных умоў для жыцця і працы.
Шквальны вецер, які нечакана наляцеў на пасёлак і навакольныя вёскі ў чэрвені, прынёс многа шкоды, зблытаў, але не сарваў планы. Зноў жа дзякуючы аператыўнаму рэагаванню кіраўніцтва раёна, сумесным намаганням і зладжанасці дзеянняў дэпутатаў сельсавета, кіраўнікоў суб’- ектаў гаспадарання, мясцовых жыхароў наступствы прыроднай стыхіі былі ліквідаваны ў кароткія тэрміны.
У выніку рэалізацыі маштабных мерапрыемстваў па ўдасканаленні інфраструктуры малога гарадскога паселішча яно прыкметна змяніла сваё аблічча, стала больш прыгожым і ўтульным. Здзейсненыя планы дазволілі сельвыканкаму паспяхова паўдзельнічаць і ў рэспубліканскім аглядзе санітарнага стану і добраўпарадкавання населеных пунктаў Беларусі: згодна з пісьмом Міністэрства архітэктуры і будаўніцтва «Аб накіраванні рэзультатаў падвядзення вынікаў штогадовага рэспубліканскага агляду санітарнага стану і добраўпарадкавання населеных пунктаў Рэспублікі Беларусь за 2020 год» па суме балаў г. п. Відзы заняў 1 месца ў сваёй катэгорыі. ■
Казімір ПЯТУШКА. Фота аўтара.
Постановлением Министерства образования от 8 апреля №40 определены сроки проведения в 2024 году вступительной кампании…
Москва готовится к старту нового туристического сезона и рада встретить гостей на масштабном благотворительном фестивале…
За 120 лет профсоюзами Беларуси накоплен колоссальный опыт, заявил председатель Федерации профсоюзов Беларуси Юрий Сенько,…
Я с другом после сдачи экзаменов возвращаюсь в родной город. Без дела сидеть не хочется,…
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…