Два гады таму назад Але Шулья прапанавалі стаць валанцёрам раённай арганізацыі Чырвонага Крыжа, і яна, не раздумваючы, згадзілася. Расказвае, што было цікава паспрабаваць штосьці новае, быць патрэбнай грамадству, тым больш навучыцца дапамагаць, а калі трэба – і ратаваць людзей. Наогул жа Ала прызналася, што любіць вучыцца, займаецца самаадукацыяй і жыве ў хуткім рытме, бо мае жаданне развівацца і ісці, як кажуць, у нагу з часам. Яна трапіла ў раённы атрад хуткага рэагавання РА БТЧК, а затым стала ўдзельніцай міжнароднага трохдзённага трэнінгу па падрыхтоўцы інструктараў з ліку валанцёраў-лідараў. Менавіта там пазнаёмілася з актыўнымі маладымі людзьмі з суседніх краін – Літвы і Латвіі. Тыя даўно займаліся валанцёрскай дзейнасцю і расказвалі пра сваю арганізацыю, работу і дапамогу людзям. Цікавая сустрэча і заняткі, якія праводзіў Дзмітрый Рачкоўскі, спецыяліст Віцебскай абласной арганізацыі БТЧК па рабоце з валанцёрамі і падрыхтоўцы да надзвычайных сітуацый, натхнілі Алу крочыць далей у гэтым накірунку.
У пачатку 2020 года, калі ў Беларусь прыйшоў COVID-19, раённая арганізацыя Чырвонага Крыжа пачала збіраць валанцёраў, якія б у час ізаляцыі адзінокіх, людзей з інваліднасцю і проста сталага ўзросту дапамагалі ім набываць тавары ў магазінах, прыносілі лекі, гулялі з іх гадаванцамі. Ала зноў стала добраахвотніцай і разам з іншымі валанцёрамі з энтузіязмам узялася за работу.
Пазней, як расказвае сама браслаўчанка, выпадак зноў знайшоў менавіта яе: яна атрымала чарговую прапанову, ад якой не змагла адмовіцца, бо разумела, што гэта яшчэ адзін крок на дарозе ведаў пра дапамогу людзям. У Віцебску Ала прайшла шаснаццацігадзінны базавы курс па першай даўрачэбнай дапамозе і праз некалькі тыдняў адправілася за новай порцыяй ведаў ужо ў Мінск.
– Вучоба была няпростай, але вельмі цікавай. Спачатку заняткі былі насычаны тэорыяй, потым мы перайшлі да практыкі, – успамінае суразмоўніца. – На манекенах да ідэальнасці адпрацоўвалі кожны этап першай дапамогі чалавеку пры абсалютна розных абставінах. Таксама вучыліся дзейнічаць правільна ў няпростых сітуацыях, мадэліруючы іх і абыгрываючы кожны сваю ролю, каб умець дапамагаць не толькі фізічна, але і псіхалагічна. Сёння магу з упэўненасцю сказаць, што веды, якія я набыла там, патрэбны абсалютна кожнаму з нас, і я гатова дзяліцца імі.
Ала Шулья ўжо правяла заняткі са школьнікамі, выступіла ў некалькіх арганізацыях раёна. Пакуль, кажа валанцёр-інструктар, для паўнацэннага навучання, каб яно дало максімальны эфект, не хапае спецыяльных трэнажораў, але і без іх ёсць шмат інфармацыі, якую яна гатова даносіць даволі простай і зразумелай мовай. У сувязі з гэтым РА БТЧК прымае ад кіраўнікоў мясцовых прадпрыемстваў і арганізацый заяўкі на адукацыйныя заняткі для супрацоўнікаў па аказанні першай дапамогі, бо кожны з нас павінен ведаць, як паводзіць сябе пры ўзнікненні пэўных надзвычайных сітуацый. ■
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…