Сёлетні 2020-ы прайшоў пад знакам 75-годдзя Перамогі ў Вялікай Айчыннай вайне. На браслаўскай зямлі сустракалі марафон «Шляхамі памяці» і заключны этап міжнароднай «Эстафеты Перамогі», закладалі ў гонар знамянальнага юбілею сады і алеі, папаўнялі спісы ўвекавечаных салдат. Актывісты БРСМ добраўпарадкоўвалі помнікі, у агр. Опса прадстаўнікі ўлады і грамадскасці ўрачыста адкрылі адноўлены з дапамогай «Маяка Браслаўскага» мемарыял загінулым землякам, а на ўсіх 45 воінскіх пахаваннях раёна адбыліся цырымоніі забору зямлі для перадачы ў Храм-помнік у Мінску. Асаблівай увагай агарнулі ўдзячныя браслаўчане мясцовых ветэранаў.
Роўна восем дзясяткаў гадоў таму назад Указам Прэзідыума Вярхоўнага Савета БССР быў утвораны наш раён. На працягу гэтага часу браслаўчане, захоўваючы традыцыі продкаў, праслаўлялі свой азёрны край баявымі подзвігамі і працоўнымі дасягненнямі. Пра асноўныя этапы станаўлення і развіцця рэгіёна расказваў праект газеты «Браслаўшчына скрозь дзесяцігоддзі», выстаўка супрацоўнікаў музейнага аб’яднання і краязнаўчыя буклеты, распрацаваныя мясцовымі бібліятэкарамі. Не абмінулі ўвагай значную для раёна дату і многія ўстановы ды арганізацыі: напрыклад, браслаўскія хлебапёкі нават выпусцілі новы від пернікаў з выявай і юбілейным надпісам.
Адразу чатыры ўстановы Браслаўшчыны адсвяткавалі сёлета 25-гадовы юбілей. Чвэрць стагоддзя прайшло з моманту адкрыцця Браслаўскай гімназіі, якая за гэты час склалася як інавацыйная ўстанова адукацыі з асаблівай атмасферай і паспяховымі вучнямі. Столькі ж Нацыянальны парк «Браслаўскія азёры» арганізуе рэкрэацыйныя мерапрыемствы, развівае турызм і праводзіць работу па ацэнцы экалагічнай сітуацыі ў раёне, захаванні прыроднай і гістарычна-культурнай спадчыны, вядзе лясную і паляўнічую гаспадарку. У Браслаўскім участку электрычнай сувязі святкавалі юбілей «Белтэлекама» – гэта прадпрыемства, акрамя прадастаўлення стацыянарнай тэлефаніі, цяпер з’яўляецца вядучым лічбавым правайдарам. Разам з РУП «Белпошта» адзначылі дваццаціпяцігоддзе сваёй самастойнай дзейнасці і браслаўскія паштальёны, якія з кожным годам пашыраюць спектр паслуг.
У жніўні аграгарадок Опса адзначыў 520 гадоў свайго заснавання. Шэраг мерапрыемстваў з нагоды юбілею пачалі тут з дзіцячага свята, якое наведалі каля 400 чалавек з Опсы і навакольных вёсак. Населены пункт з такой вялікай гісторыяй мае свае славутасці, у ліку якіх касцёл Святога Яна Хрысціцеля, сядзіба Плятэраў, забудова канца ХІХ – пачатку ХХ стст. Калісьці праз Опсу праходзіла чыгунка, і на месцы былой вузкакалейкі ўстаноўлены макет паравоза, зроблены майстрамі Відзаўскага каледжа. Цяпер у аграгарадку працуе амбулаторыя ўрача агульнай практыкі, яслі-сад – сярэдняя школа, цэнтр літаратуры і адпачынку, бібліятэка.
Работнікі ДЭУ-34 сёлета адзначылі 20-годдзе з дня заснавання сваёй арганізацыі. Пачынала работу мясцовае эксплуатацыйнае ўпраўленне з абслугоўвання 36 кіламетраў дарогі, 4 адзінак тэхнікі і ўсяго 12 супрацоўнікаў. Сёння ж калектыў прафесіяналаў у складзе 53 чалавек даглядае 228 км дарог рэспубліканскага значэння ў Браслаўскім, Міёрскім і Шаркаўшчынскім раёнах, задзейнічаўшы 8 МАЗаў, 9 трактароў, 3 пагрузчыкі, 6 «Газэляў» і разметачную машыну. З 2004 года дарожнікі ўвялі ў эксплуатацыю вытворчую базу з сучасным адміністрацыйна-бытавым корпусам, більярднай і трэнажорнай заламі, гаражамі, майстэрнямі і заправачнай.
У далёкім 1920 годзе на тэрыторыі рэспублікі былі сфарміраваны статыстычныя ўстановы. У нашы дні невялікі калектыў Браслаўскага раённага аддзела статыстыкі – тут усяго 4 работнікі – збірае і апрацоўвае інфармацыю ва ўмовах развіцця сучасных тэхналогій. Замест папяровых носьбітаў супрацоўнікі аддзела маюць справу з данымі ў электронным выглядзе. Работа гэта складаная і скрупулёзная, бо на аснове сабранай службай інфармацыі прымаюцца важныя рашэнні. Сярод апошніх буйных па маштабе мерапрыемстваў статыстыкаў – перапіс насельніцтва Рэспублікі Беларусь 2019 года.
Сапраўдным прыкладам для браслаўчан і гонарам нашай мясцовасці з’яўляюцца доўгажыхаркі Ніна Космач і Софія Кульпа, якія ў гэтым годзе адсвяткавалі 100 гадоў з дня нараджэння. Прадстаўнікі ўлады і грамадскасці шчыра павіншавалі імянінніц з такой знамянальнай датай, а начальнік аддзела па грамадзянстве і міграцыі ўручыла ім новенькія пашпарты. У свае гады сталыя жанчыны выглядаюць проста выдатна, валодаюць добрай памяццю і ахвотна дзеляцца з гасцямі сваімі ўспамінамі, якіх за цэлы век накапілася нямала. ■
Главой государства подписан Закон Республики Беларусь от 22 апреля 2024 г. No 365-З «Об изменении…
Сегодня нет такой сферы общественной жизни или производственной отрасли, которые могли бы обойтись без услуг…
Очередным хедлайнером, заявленным организаторами на фестиваль Viva Braslav-2024, стала Клава Кока. Российская певица, автор песен, видеоблогер и телеведущая.…
На Viva Braslav-2024 выступит российская певица МакSим, сообщают организаторы. Музыкальный продюсер, автор-исполнитель и единственная певица,…
Владимир Преткель пользуется уважением и авторитетом в коллективе национального парка «Браславские озера». В лесном хозяйстве…
Пятого мая в 11.35 в Браславский РОЧС поступило сообщение о пожаре гаража в г.п. Видзы.…