На пачатак 80-х гадоў у раёне пражывалі больш за 42 тысячы чалавек, пры гэтым у сельскай мясцовасці – звыш 30 тысяч. Гэта быў час актыўнага развіцця эканомікі і будаўніцтва, не дзіўна, што ў Браславе і вёсках раёна ўзнікалі новыя вуліцы і будынкі сацыяльна-эканамічнага прызначэння.
У прыватнасці, у горадзе ў 1983 годзе пачалося ўзвядзенне вытворчай базы райсельгасхіміі, новых будынкаў малаказавода, у 1984-м заклалі школу № 2, якая ўжо праз два гады адчыніла свае дзверы вучням. Значнай падзеяй для браслаўчан стала адкрыццё ў 1985 годзе мясцовага краязнаўчага музея. На карце горада ў 80-я ўзніклі вуліцы Тургенева, Энергетыкаў, Заводская і інш. Напрыканцы дзесяцігоддзя вялікай будоўляй можна назваць узвядзенне цэнтральнай бальніцы, ДЮСШ, дома-інтэрната, а ў 1989 годзе адбылося наваселле ў паліклініцы.
У пачатку 1980 года ў раёне працавалі 64 урачы, 257 сярэдніх і 302 малодшыя медработнікі, мелася 455 бальнічных ложкаў. Пашыралася матэрыяльна-тэхнічная база. Урачы атрымлівалі новае медабсталяванне, напрыклад, у 1985 годзе пачалося абследаванне пацыентаў з дапамогай фібрагастраскопа.
Хуткімі крокамі развівалася сфера культуры. У 1985 годзе ў раёне было 120 устаноў культуры, 51 клуб, 66 бібліятэк, 4 музычныя школы. Два калектывы мелі званне народнага – Опсаўскі хор і тэатр, а ў студзені 1984 года ўжо пачалі свае першыя рэпетыцыі ўдзельнікі хору ветэранаў вайны і працы.
Гэтыя часы можна назваць і вясельным, і дэмаграфічным бумам. Цікава, што ў 1980 годзе ў Браслаўскім ЗАГСе 116 разоў зарэгістравалі маладых, а грамадзянамі горада сталі 152 дзіцяці. Таксама ў Браславе ў жніўні 1983 года шлюбам спалучыліся 14 пар, а ўсяго з пачатку года – 50. Цікава даведацца, што найбольш папулярнымі імёнамі, напрыклад, у 1984 годзе былі Аляксандр, Віктар і Таццяна.
У сельскай гаспадарцы таксама ішло актыўнае жыццё: будаваліся фермы, мехдвары, праводзіліся спаборніцтвы паміж калгасамі, якіх у 1983 годзе было 34. Асвойваліся і новыя сельскагаспадарчыя культуры. Напрыклад, у 1984 годзе «перспектыўнай» расліннасцю – баршчэўнікам Сасноўскага – у калгасе «Імя Мічурына» (Богіна) засеялі 4 гектары. Яго ж паспрабавалі асвоіць і ў «Іскры».
Менавіта ў 1980 годзе на беразе воз. Дрывяты з’явіўся цеплаход, які і цяпер знаходзіцца там. У ім планавалі размясціць службы выратавальнай станцыі. На Браслаўшчыну судна трапіла па вадзе з Віцебска, а з Друі яго прыцягнулі трактары ПМК-44.
У 1980-х ішла і актыўная ўстаноўка помнікаў на брацкіх магілах воінаў, загінулых у баях на Браслаўшчыне падчас Вялікай Айчыннай вайны. Мемарыялы ўзводзілі ў цэнтральных сядзібах калгасаў, а ў 1981 годзе ў скверы на вул. Булойчыка з’явілася новая стэла аўтарства скульптара С. Селіханава. ■
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…