Цяпер вядзецца шмат размоў пра закрыццё вучэбна-вытворчых камбінатаў. Калі ў 80-я гады ў іх вучылі шафёраў, трактарыстаў-камбайнераў, аператараў машыннага даення, пазней – культработнікаў, бібліятэкараў, кінамеханікаў, прадаўцоў, то сёння для 240 старшакласнікаў прапануюць толькі дзве спецыяльнасці – шафёр і швачка. Між тым вучні атрымлівалі азы прафесіі, пасведчанні і адразу пасля школы маглі ўладкавацца на працу. Варта было б не закрываць ВВК, а ўдасканаліць саму сістэму прафадукацыі.
Упершыню на турбазе «Браслаўскія азёры» восенню настала зацішша. З-за абмежаванасці ў сродках Гомельшчына ўжо не ў стане аздараўляць сваіх дзяцей у азёрным краі. Гэта непрыемная навіна, бо, займаючыся аздараўленнем прыезджых па чарнобыльскай праграме, калектыў комплексу не меў праблем з яго загрузкай круглы год. Таму кіраўніцтва ТАКа сур’ёзна працуе над прыцягненнем на Браслаўшчыну адпачываючых на зіму і міжсезонне: арганізуе туры выхаднога дня, двухтыднёвыя заезды, таксама удасканальвае інфраструктуру.
Два гады таму назад, калі школы раёна пачыналі эксперымент па дыферэнцыраваным навучанні дзяцей, наватарскі падыход быў неадназначна ўспрыняты як бацькамі, так і настаўнікамі. Між тым вынікі рознаўзроўневага навучання, на якое перайшлі 17 сярэдніх і 11 базавых школ, больш не пакідаюць сумнення ў правільнасці выбранага шляху. Абсалютна ва ўсіх СШ бал паспяховасці вучняў павысіўся, павялічылася і колькасць удзельнікаў ды пераможцаў як абласных, так і рэспубліканскіх алімпіяд, і ў ВНУ паступіла выпускнікоў на 8 % больш, чым летась.
Колькасць выяўленых фактаў браканьерства на вадаёмах сведчыць, што людзі часцей свядома ідуць на парушэнне закону. Здаецца ж, адукаваныя, павінны разумець, што прырода не бяздонная кладоўка. А можа, галеча штурхае асобных грамадзян з сеткамі на азёры? Але да павальнай галадухі мы яшчэ не дажыліся, ды і на вуліцах няма апухлых ад недаядання дзяцей. Некаторыя ж з канфіскаваных снасцей каштуюць немалых грошай. Выходзіць, што на браканьерства многіх штурхае сквапнасць і прага разбагацець задарма, а там хоць трава не расці.
У рамках святкавання 2000-годдзя Нараджэння Хрыстова ў Браслаўскай гімназіі адбылася незвычайная падзея: упершыню за многія гады свецкія настаўнікі сустрэліся з настаўнікамі духоўнымі. І сышліся не ў даўнейшым дыспуце атэістаў і веруючых, а ў зацікаўленай размова пра вяртанне да духоўных вытокаў у выхаванні падрастаючага пакалення. Так, уладыка Феадосій, епіскап Полацкі і Глыбоцкі, пранікнёна аргументаваў, чаму бацькі, і школа, і царква павінны адзіным намаганнем супрацьстаяць разбэшчвальнаму ўплыву на моладзь СМІ, масавай культуры, сектаў.
Не пашанцавала жыхару Латвіі, які спрабаваў вывезці з Беларусі з утойваннем ад мытнага афармлення 11 бляшанак чорнай ікры вагой 9 кг. Браслаўскі суд наклаў на яго штраф і ўтрымаў кошт дэфіцытнага далікатэсу. А вось грамадзяне Літвы, мабыць, разлічвалі смачна і ўдосталь паесці курыных кумпячкоў ды зрабіць на іх даходны бізнес. На чатырох вялікіх машынах суседзі спрабавалі правезці груз па незаконна атрыманых дакументах. Пастановай суда 119 тон кумпячкоў канфіскаваны ў даход дзяржавы, яны, дарэчы, прадаваліся ў браслаўскіх магазінах.
Работнікі Браслаўскага малочнага завода ўсур’ёз занепакоены якасцю малака, якое паступае на перапрацоўку з калгасаў і саўгасаў раёна. На фермах адчувальна знізіліся надоі, таму, каб іх «павялічыць», некаторыя нядобрасумленныя даяркі дабаўляюць у малако ваду, з-за чаго рэзка пайшла ўніз яго шчыльнасць. Па тэхнічных умовах яна павінна быць не ніжэйшай за 27 градусаў. А з асобных гаспадарак малако паступае са шчыльнасцю 25,4-26,7 градуса. Існуе таксама праблема механічнай забруджанасці прадукцыі ферм, быццам пэўныя яе партыі ўвогуле не фільтруюць.
Увечары 23 лістапада, каля 19 гадзін, г. п. Відзы ўскалыхнуў моцны выбух: узарваўся жылы двухкватэрны дом па вул. Леніна. На шчасце, нікога з жыхароў у памяшканні ў гэты час не было. Дом поўнасцю разбураны, выбуховай хваляй павыбівала шыбы з вокнаў у пяці суседніх дамах, яшчэ ў адным з іх моцна пашкоджана сцяна. Акрамя таго, пацярпеў выпадковы прахожы, які знаходзіўся паблізу. Выказваецца версія, што выбух адбыўся з-за ўцечкі газу. ■
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…