Больш за месяц працуюць на льняных палетках гаспадарак раёна жыхары райцэнтра, якія па нейкіх прычынах засталіся без пастаяннай работы. Іх дапамога льнаводам калгаса «Зорка» дазволіла сельгаспрадпрыемству аднаму з першых убраць і здаць каштоўную сыравіну на завод. Са свайго боку праўленне таксама пайшло насустрач беспрацоўным гараджанам: па іх жаданні за працу ім плацілі мясам, збожжам і грашамі.
Да ліку нямногіх значных падзей, што прайшлі сёлета на Браслаўшчыне, можна аднесці адкрыццё Дома рамёстваў, якое адбылося ў канцы мінулага тыдня. Пасля некалькіх гадоў рэстаўрацыі гасцінна адчыніў дзверы будынак старога млына. Гэта першая ў вобласці спроба стварыць цэнтр, што аб’ядноўвае ў сабе музеі — этнаграфіі і прыроды пад адкрытым небам і гісторыка-краязнаўчы, выставачную залу, Дом рамёстваў, кавярню і гасцёўню пры ім.
З нядаўняга часу ходзяць па новым асфальце жыхары вёскі Баравыя, што на Казяншчыне. Яна невялікая, усяго 13 двароў, у якіх жывуць 22 чалавекі, але вядомая ў раёне тым, што ў гады вайны была спалена фашыстамі разам з жыхарамі. На гэтую акалічнасць і зрабілі ўпор вяскоўцы ў лісце да Прэзідэнта. Высокія інстанцыі аператыўна адрэагавалі на просьбу сялян: з Шаркаўшчыны прыехалі дарожныя майстры, і праз Баравыя пралягла кіламетровая паласа асфальтавага пакрыцця.
Пенсіянеры з Ахрэмаўцаў званілі ў рэдакцыю і абураліся, што ўжо паўгода пенсію яны атрымліваюць пасля двухтыднёвай затрымкі. Але як патлумачылі ў раённым вузле сувязі, такое становішча склалася па ўсім раёне і не па віне работнікаў пошты. Як толькі грошы паступаюць з пенсіённага фонду, адразу пачынаюцца выплаты. Пайшлі нават на тое, што грошы, атрыманыя ад падпіскі за газеты і часопісы, накіравалі на выплату пенсій, каб змякчыць сітуацыю.
У рэспубліцы моцна пагоршылася абстаноўка па дыфтэрыі, і сёлета сітуацыя ацэньваецца як эпідэмічная. Хвароба ахапіла ўсю тэрыторыю рэспублікі, асабліва буйныя гарады і прамысловыя цэнтры. Напрыклад, цяпер у інфекцыйнай бальніцы Віцебска лечацца 40 хворых на дыфтэрыю. З агульнай колькасці захварэлых у краіне 70 % складаюць дарослыя ва ўзросце 35 – 55 гадоў. Ёсць адзіны правераны спосаб пазбегнуць дыфтэрыі — прышчэпкі: лягчэй папярэдзіць, чым лячыць.
Каб зацікавіць паляўнічых у скарачэнні колькасці шэрых драпежнікаў, аб’яўлены рэспубліканскі конкурс. Яго ўдзельнікам за кожнага знішчанага ваўка налічваюцца балы: за ваўчаня — 1, за дарослага — 2, за ваўчыцу з вывадкам — 10 плюс па балу за ваўчанят. Прадугледжана і істотнае заахвочванне: за дарослага ваўка — 7 мінімальных заработных плат, за ваўчыцу — 10, за ваўчаня — 5. Брыгада, якая займе 1-е месца, атрымае 350 МЗП, паляўнічы — 150.
Восень з кожным днём набірае сілу, іншы раз «выскокваюць» і замаразкі. А на калгасных палях яшчэ не ўсюды прыбраны са сцелішчаў лён і выцераблены караняплоды. Райвыканкам і ўпраўленне райсельгасхарча звяртаюцца да жыхароў Браслаўшчыны з просьбай дапамагчы гаспадаркам у іх уборцы. Нельга дапусціць, каб плён працы калгаснікаў прапаў марна. Ды і дадатковы заробак не пашкодзіць любой сям’і. Для гараджан збор ля выканкама ў 8.00 штодзённа.
Цікавы маршрут для паездкі ў Браслаў выбраў жыхар Шаркаўшчыны. Праігнараваўшы прамы аўтобус, ён поездам адправіўся ў Друю і ўжо адтуль, як тлумачыў пагранічнікам, збіраўся рушыць у наш горад. Але мех з 36 кг языкоў і заходжанне без дазволу ў пагранічнай зоне яскрава гаварылі пра яго сапраўдны накірунак. Таму, каб пазбавіць «госця» спакусы перасячы мяжу, груз канфіскавалі. Цяпер далікатэсным прадуктам частуюцца ў сталоўцы хлебаробы саўгаса «Друйскі».
Пральныя парашкі трапілі ў разрад звышдэфіцытных. Набыць іх можна толькі ў прадпрымальнікаў па цане, якая часам адбівае ахвоту хадзіць чыстым. Паправіць сітуацыю задумаў аграснаб. У Санкт-Пецярбургу забеспячэнцы наладзілі кантакт з вытворцамі пральнага парашку «Новая зара», які вырабляецца па германскай тэхналогіі і не ўступае разрэкламаванаму «Арыэлю», затое выйграе па цане: 700-грамовы пачак будзе каштаваць каля 16 тыс. руб. ■
Главой государства подписан Закон Республики Беларусь от 22 апреля 2024 г. No 365-З «Об изменении…
Сегодня нет такой сферы общественной жизни или производственной отрасли, которые могли бы обойтись без услуг…
Очередным хедлайнером, заявленным организаторами на фестиваль Viva Braslav-2024, стала Клава Кока. Российская певица, автор песен, видеоблогер и телеведущая.…
На Viva Braslav-2024 выступит российская певица МакSим, сообщают организаторы. Музыкальный продюсер, автор-исполнитель и единственная певица,…
Владимир Преткель пользуется уважением и авторитетом в коллективе национального парка «Браславские озера». В лесном хозяйстве…
Пятого мая в 11.35 в Браславский РОЧС поступило сообщение о пожаре гаража в г.п. Видзы.…