Друя займае немалую тэрыторыю, таму для таго, каб прывесці яе ў ідэальны стан, патрэбны час. Іншымі словамі, да здзяйснення вялікай справы неабходна ісці маленькімі крокамі. У гэтым уладам дапамагаюць мясцовыя жыхары, якія любяць і шануюць сваю малую радзіму. Ужо зроблены памятны знак вузкакалейцы, рамантуецца царква, з’явіўся ўязны знак «Друя», наводзіцца парадак на сядзібах.
У гэтым годзе работы па добраўпарадкаванні знайшлі працяг ва ўсталяванні памятнай дошкі ў гонар знакамітага земляка Альтэра Друянава з нагоды 150годдзя з дня яго нараджэння, павешаны банеры з картамі-даведнікамі па аграгарадку і памятных месцах, закладзены дзіцячы парк са скульптурай-чарапашкай. Распачата дзейнасць па пашырэнні вуліцы, якая ідзе праз усю Друю. У бліжэйшы час у аграгарадку пачнецца асфальтаванне асобных вуліц і з’ездаў, што палепшыць камфорт мясцовых жыхароў, распрацаваны план па добраўпарадкаванні пляцоўкі перад касцёлам.
У аграгарадку шмат старых будынкаў з цікавым гістарычным мінулым і старажытнай разьбой, якая добра захавалася. Для іх дэтальнага агляду высякаюцца хмызнякі. Увогуле, у выконваючага абавязкі старшыні сельсавета Міхаіла Бакевіча шмат планаў па захаванні старажытных будынкаў, якія нават ёсць на акварэлях знакамітага мас-така Дзмітрыя Струкава.
Разам з тым людзі імкнуцца да парадку і падтрымліваюць ініцыятывы ўлады, а нярэдка і самі ўносяць дзейсныя прапановы. Так, у адным са шматкватэрных дамоў жыльцы сабралі грошы і абсталявалі балконы ў адным стылі. З’явіліся лавачкі для адпачынку на некаторых вуліцах і ў куточках аграгарадка. Радуюць вока і будаўнічыя рыштаванні ля царквы Пятра і Паўла. Мясцовыя актывісты з валанцёрамі пачалі аднаўляць брукаванку «Дарога смерці», што вядзе да месца расстрэлу яўрэйскага насельніцтва.
У гэтым годзе непадалёку ад школы выпускнікі залажылі алею з дубоў і ліп. Гэтая справа будзе працягнута ландшафтным дызайнам наўкол. Словам, праводзіцца вялікая работа па добраўпарадкаванні аграгарадка з даўняй гісторыяй. Несумненна, што свой юбілей ён сустрэне са станоўчымі пераўтварэннямі. ■
9 мая, четверг, г. Браслав: 10.00 – 10.10 – театрализованная хореографическая постановка «Весна Победы» в…
В Беларуси в соответствии с решением Президента ежегодно ко Дню Победы участникам Великой Отечественной войны…
Президент Беларуси Александр Лукашенко 7 мая принял участие в торжественном собрании по случаю Дня Победы. Во время…
Белорусы – очень гуманные люди. Вместе с тем принцип неотвратимости наказания за содеянное у нас…
Мероприятия "Последний звонок" для учащихся IX, XI классов учреждений общего среднего образования в Беларуси пройдут…
Президент Беларуси Александр Лукашенко наградил девять населенных пунктов страны вымпелом «3а мужнасць і стойкасць у…