З году ў год юныя браслаўчане здзіўляюць членаў журы сваім крэатывам, падыходам і творчымі ідэямі. Дзеці і падлеткі, спрабуючы сябе ў розных намінацыях, пачынаюць разглядаць працу ратавальніка-пажарнага як будучую прафесію. У цэнтры дзіцячай увагі знаходзіцца і неасцярожнае абыходжанне з агнём, і парушэнне правілаў эксплуатацыі электраабсталявання, і гульні з запалкамі, і грэбаванне правіламі бяспекі. Усё гэта знайшло адлюстраванне ў непаўторных вырабах, малюнках, казках і іншых праявах фантазіі.
Конкурс праходзіў на базе цэнтра дзяцей і моладзі, доўжыўся раённы этап прыкладна месяц. За вызначаны час на суд журы былі прадстаўлены 53 работы ў розных намінацыях з 11 устаноў адукацыі раёна. Гэта былі малюнкі ў разнастайных тэхніках, вырабы з дрэва, нітак, пластыліну, лямцу. Праявілі сябе і юныя паэты ды пісьменнікі. З мноства казак, расказаў і вершаў выбраць лепшы твор аказалася, бадай што, самай цяжкай задачай.
Усё ж такі найбольш удалыя па змесце і кампазіцыі верш і казку напісалі Дар’я Крычалава і Вадзім Лапуза з Дрысвяцкай ЯСБШ. У намінацыі «Плакат» 1-е месца заваявала Соф’я Сцефановіч з Опсаўскай ЯССШ.
У самай шматлікай намінацыі «Малюнак» пераможцамі прызнаныя Ева Бейнар з Опсаўскай ЯССШ (узроставая катэгорыя 7-10 гадоў), Юлія Кульпа з Кансталінскай ЯСБШ (узроставая катэгорыя 11-14 гадоў) і Кірыл Абалевіч з Опсаўскай ЯССШ (узроставая катэгорыя 15-17 гадоў).
Значнай колькасцю работ была прадстаўлена намінацыя «Выраб», дзе 1-е месца заваяваў Эдвард Юркевіч з другой гарадской школы.
Лепшую ж мадэль пажарнай аварыйна-выратавальнай тэхнікі зноў змайстравалі навучэнцы СШ № 1 Віталій і Яўгеній Антонавы.
У намінацыі «Стыкер-пак МНС» 1-е месца заняў вучань сярэдняй школы № 2 Сяргей Бароўка.
Лепшыя працы ўжо накіраваны на абласны этап конкурсу. Чакаем пераможцаў і на гэты раз.
Вера БУЛАНАВА.
Фота аўтара.
На этой черно-белой фотографии запечатлен момент присяги браславчанки Ирины Корвель, которая отправилась в командировку в…
«Не бяруся за справу, якую не магу зрабіць, не люблю інтрыг, валодаю неўтаймоўным аптымізмам, люблю…
Уже несколько лет кряду браславчан волнует качество воды, которая течет из кранов в их домах…
В Витебской области 27 апреля будет дан старт региональному этапу чемпионата Республики Беларусь по футболу…
Концепция национальной безопасности и Военная доктрина Республики Беларусь, которые были утверждены на заседании VII Всебелорусского народного собрания, официально…
Совсем недавно белорусский парламент принял поправки в законы по национальной безопасности. Одно из главных новшеств…