Падтрымаць вынаходніцкую і рацыяналізатарскую дзейнасць беларускай моладзі — мэта рэспубліканскага конкурсу камп’ютарных распрацовак патрыятычнай накіраванасці «Патрыёт.by», які праводзіцца ў нашай краіне штогод.
Свой праект прадставіў і наш зямляк, вучань 11 класа Опсаўскай сярэдняй школы Данііл Балочка. Трэба адзначыць, што гэта не першая спроба опсаўскіх школьнікаў трапіць у лік лепшых удзельнікаў конкурсу. І вось сёлета работа Данііла адзначана дыпломам ІІІ ступені ў намінацыі «Праз стагоддзі, праз гады — памятайце».
Пад кіраўніцтвам настаўніцы інфарматыкі Святланы Бунта вучань распрацаваў мабільны дадатак «Браслаў-тур» для платформы Аndroid. Ён утрымлівае інфармацыю пра памятныя мясціны нашага раёна, якую можа атрымаць без падключэння да інтэрнэту.
Галоўная старонка даведніка мае шэсць раздзелаў, якія дапамогуць і мясцовым жыхарам, і гасцям Браслаўшчыны лепш і хутчэй арыентавацца падчас экскурсій і вандровак па нашым краі.
— Лічу, што браслаўскія мясціны вельмі прыгожыя і багатыя на гісторыю, — кажа Д. Балочка, — і, каб турысты мелі магчымасць больш прадуктыўна пазнаёміцца з імі, мы і стварылі гэты дадатак, які прысвечаны Году малой радзімы.
У Мінскім рэспубліканскім цэнтры інавацыйнай творчасці распрацоўка Данііла атрымала высокую ацэнку журы. І гэта, безумоўна, заслужаны поспех.
Святлана Бунта расказала, што яе вучань ужо з 5 класа пачаў сур’ёзна асвойваць азы праграмавання, ён удзельнік алімпіяд і навуковых канферэнцый па інфарматыцы. Таксама яна дадала, што падрыхтоўка да конкурсу пачалася яшчэ летам, падчас яе хлопец паказаў сваю ўпартасць, энтузіязм і выдатныя веды па прадмеце.
Цяпер у старшакласніка важны і складаны перыяд падрыхтоўкі да выпускных экзаменаў і здачы ЦТ. У будучым выпускнік плануе звязаць сваё жыццё з праграмаваннем. Пажадаем таленавітаму юнаму браслаўчаніну здзяйсненняў усіх яго мар. ■
Алена ПЯТУШКА.
Фота аўтара.
Жизнь Чеслава Манкевича была такой же, как и у его сверстников. Парень из деревни Закорье…
Постановлением Министерства образования от 8 апреля №40 определены сроки проведения в 2024 году вступительной кампании…
Москва готовится к старту нового туристического сезона и рада встретить гостей на масштабном благотворительном фестивале…
За 120 лет профсоюзами Беларуси накоплен колоссальный опыт, заявил председатель Федерации профсоюзов Беларуси Юрий Сенько,…
Я с другом после сдачи экзаменов возвращаюсь в родной город. Без дела сидеть не хочется,…
По традиции ежегодно накануне 9 мая в соответствии с указом Президента Беларуси Александра Лукашенко выплачивается…