У гэты перыяд у краіне і на Браслаўшчыне ў тым ліку пройдуць навагоднія прадстаўленні для адораных і таленавітых дзяцей, а таксама для малых, якія маюць патрэбу ў дзяржаўнай падтрымцы. Раённыя ўлады, прадстаўнікі мясцовых органаў кіравання, прадпрыемстваў, арганізацый, устаноў, праваахоўных органаў і іншых службаў наведаюць дамы сямейнага тыпу, апякунскія і прыёмныя сем’і, дзе павіншуюць дзяўчынак і хлопчыкаў з Калядамі і Новым годам, а таксама ўручаць падарункі, калі трэба, акажуць дапамогу ў вырашэнні некаторых праблем. Да дабрачыннай акцыі далучацца таксама грамадскія аб’яднанні.
Галоўнай падзеяй стане навагодняе свята ў Палацы Рэспублікі. Мерапрыемства запланавана на 24 снежня. Яго ўдзельнікамі стануць больш за 2 тысячы школьнікаў з усіх рэгіёнаў краіны: пераможцы алімпіяд, творчых конкурсаў і спартыўных спаборніцтваў, лідары дзіцячых грамадскіх аб’яднанняў і арганізацый, сіроты і дзеці, якія засталіся без апекі бацькоў, з інваліднасцю, са шматдзетных і малазабяспечаных сем’яў. Будуць прысутнічаць на гэтым яскравым свяце і трое юных браслаўчан.
Таксама самыя лепшыя і актыўныя (іх будзе 25) прымуць удзел у пераднавагоднім ранішніку, які традыцыйна ладзіцца ў Віцебску і праходзіць з удзелам кіраўніцтва вобласці.
Шмат падобных мерапрыемстваў пройдзе і на Браслаўшчыне. Самым галоўным з іх стане дабрачынны ранішнік з удзелам кіраўніцтва раёна. Ва ўсіх дзіцячых садах і школах, на многіх прадпрыемствах і ў арганізацыях будуць ладзіцца навагоднія ўрачыстасці. У РЦК і сельскіх ДК адбудуцца святочныя прадстаўленні для малых.
Ва ўсіх школах раёна ў рамках акцыі «Нашы дзеці» прайшоў яскравы флэшмоб, які стаў крыніцай святочнага настрою і пазітыву, пачаткам падрыхтоўкі да навагодніх урачыстасцей. ■
Алена ПЯТУШКА.
Фота аўтара.
Главой государства подписан Закон Республики Беларусь от 22 апреля 2024 г. No 365-З «Об изменении…
Сегодня нет такой сферы общественной жизни или производственной отрасли, которые могли бы обойтись без услуг…
Очередным хедлайнером, заявленным организаторами на фестиваль Viva Braslav-2024, стала Клава Кока. Российская певица, автор песен, видеоблогер и телеведущая.…
На Viva Braslav-2024 выступит российская певица МакSим, сообщают организаторы. Музыкальный продюсер, автор-исполнитель и единственная певица,…
Владимир Преткель пользуется уважением и авторитетом в коллективе национального парка «Браславские озера». В лесном хозяйстве…
Пятого мая в 11.35 в Браславский РОЧС поступило сообщение о пожаре гаража в г.п. Видзы.…