На фота: МТФ «Мількі» КУСП «Браслаўскі».
На жаль, не ва ўсіх летам рукі даходзяць да такой неабходнай справы, а таму з пачаткам восені працэс рэканструкцыі ферм, іх касметычны рамонт нярэдка праводзіцца наспех. У гэтай з’явы ёсць тлумачэнні: недахоп кадраў, складанае эканамічнае становішча гаспадарак. Тым больш што ў раёне толькі 11 працэнтаў пагалоўя кароў утрымліваецца на сучасных аб’ектах, якія адпавядаюць патрабаванням тэхналагічнага рэгламенту, астатняя жывёла размешчана на дробных таварных фермах, пабудаваных у 1960 — 1980 гадах. Яны, як правіла, патрабуюць капітальнага рамонту і размяшчаюцца ў аддаленых населеных пунктах, дзе нярэдка не хапае людзей нават для забеспячэння бягучых вытворчых працэсаў.
Цяпер асноўная задача жывёлаводаў Браслаўшчыны — перавод грамадскага статка на зімова-стойлавае ўтрыманне. З пачатку кастрычніка ён пачаўся ва ўсіх гаспадарках раёна.
Як адзначыў першы намеснік начальніка ўпраўлення райвыканкама па сельскай гаспадарцы і прадуктах харчавання Віктар Казінец, пастаноўка жывёлы сёлета прайшла без асаблівай спешкі і аўралаў. Спрыяльная тэмпература паветра дазваляла трымаць яе на пашы да заканчэння рамонтных работ.
Па стане на 1 верасня 2019 года колькасць буйной рагатай жывёлы ў раёне складала 21 129 галоў, з якіх 7 878 кароў — асноўны статак.
Усё пагалоўе ўжо размешчана на 70 жывёлагадоўчых аб’ектах, у тым ліку дойны статак — на 38 малочнатаварных фермах. Дзейнічае комплекс па адкорме буйной рагатай жывёлы на 5 тысяч галоў у ААТ «Агравідзы». Функцыянуюць два малочнатаварныя комплексы, аснашчаныя даільнымі заламі, — у «Маяку Браслаўскім» (на 320 галоў) і «Агравідзах» (на 870). Астатняе пагалоўе зімуе ў старэнькіх памяшканнях, дзе даўно патрэбны капітальны рамонт.
Як заўсёды, першымі перавялі жывёлу пад дах маякоўцы. Там жа найбольш якасна падрыхтаваны памяшканні.
Паралельна вядзецца праца па вывазе з палёў саломы збожжавых культур. Усяго яе нарыхтавана 2 млн тон, што поўнасцю забяспечыць патрэбы жывёлагадоўчай галіны раёна. — Кіраўнікам гаспадарак трэба наладжваць працу па навядзенні парадку на зямлі, рамонце і рэканструкцыі жывёлагадоўчых аб’ектаў, паляпшэнні ўмоў утрымання і якасці кармлення жывёлы, што дазволіць якасна і тэхналагічна арганізаваць працу па атрыманні прадукцыі жывёлагадоўлі і забяспечыць стабільнасць і дабрабыт свайго калектыву, — адзначае Віктар Казінец. ■
Вольга ПАТАПОВІЧ.
Фота аўтара.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…