Большасць пакупнікоў выбірае бульбу па знешнім выглядзе, нехта арыентуецца на цану, хтосьці шукае добра вядомыя сарты. Тым часам другі хлеб адрозніваецца яшчэ відамі і тыпамі. У залежнасці ад мэтаў вырошчвання бульба бывае сталовая (выкарыстоўваецца ў ежу), тэхнічная (з яе вырабляюць спірт і крухмал), кармавая (ідзе на корм жывёле) і ўніверсальная. Сталовыя ж сарты, у сваю чаргу, падзяляюцца на кулінарныя тыпы: А — салатны (клубні не разварваюцца), B — для супоў і смажання, C — для пюрэ і варкі, D — толькі для пюрэ. І калі ў браслаўскіх магазінах на цэнніках пазначаны выключна вытворцы (у большасці беларускія, зрэдку трапляюцца расійскія), то на гарадскім рынку і ў месцах, адведзеных для продажу прадукцыі, прыватнікі падрабязна раскажуць пра сарты бульбы і іх асаблівасці. Дарэчы, пераважаюць беларускія гатункі, сустракаюцца таксама галандскія, нямецкія і расійскія: «ласунак», «маніфест», «вектар», «брыз», «рэд скарлет», «санта», «дэльфін», «іван-ды-мар’я», «белароза», «адрэта». Як бачна, браслаўскія гаспадары цікавяцца новымі сартамі: адны купляюць іх на рынках ці абменьваюцца з суседзямі, іншыя падыходзяць больш сур’ёзна і ездзяць у спецыяльныя гадавальнікі.
У прыватнікаў можна купіць бульбу любога памеру. У сярэдзіне мінулага тыдня цэны на вялікую вагаліся ад 1 рубля да 80 капеек за кілаграм, на крыху меншую складалі 80-60 капеек, дробную прапаноўвалі па 40-50. Па водгуках прадаўцоў, больш пытаюць буйную бульбу. Чым добры для пакупнікоў нядзельны дзень, дык гэта вялікай колькасцю прапаноў: канкурэнцыя вымушае гаспадароў зніжаць цэны. І хоць сустракалася бульба па 1 руб., можна было знайсці і за 80-70 кап., а ў адным месцы прасілі па 60 за адборныя клубні, роўныя і чыстыя. Пустыя скрынкі каля прылаўкаў сведчылі пра добры попыт.
Пенсіянеры з Муражаў Часлава Рынкевіч з мужам Чаславам вырошчваюць на прысядзібным участку бульбу на 30-40 сотках — атрымліваецца неблагая прыбаўка да пенсіі. Яны прадаюць клубні сорту «іван-ды-мар’я» з незвычайнай жоўта-чырвонай афарбоўкай.
У гарадскіх магазінах цана на клубні таксама адрозніваецца. Самы вялікі выбар у «Еўраопце»: там можна набыць беларускую бульбу па 59 або 99 кап., прадукт прэміум-класа (мыты) каштуе ўжо 1 руб. 39 кап. У «Хіце» другі хлеб прадаецца таксама па 59 кап. — з жоўтай лупінай і па 65 — з чырвонай. І ў «Капеечцы» была бульба па 59 кап., а таксама па 85, да выхадных жа засталася толькі даражэйшая. У супермаркеце «Віталіч» прыгожыя буйныя клубні з чырвонай лупінай каштуюць 1 руб. 06 кап. «Белмаркет» прапаноўваў на тыдні вялізныя бульбіны расійскага вытворцы па 1 руб. 29 кап., у нядзелю ў продажы была ўжо беларуская прадукцыя коштам 1 руб. 19 кап.
Па словах прадаўцоў, у гэтым годзе нядрэнны ўраджай бульбы, асабліва на сярэднія і пазнейшыя гатункі. Між тым, як расказаў на рынку адзін з гаспадароў, каб людзі парадаваліся смачнай пакупцы, трэба па-чалавечы падыходзіць да вырошчвання клубняў: не перабіраць з угнаеннямі, капаць акуратна, лепш уручную, увогуле, прыкласці шмат нялёгкай працы.
Жанна БЯЛЬКО. Фота аўтар
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…