У спаборніцтвах прынялі ўдзел супрацоўнікі выратавальных станцый Оршы, Віцебска, Глыбокага, Мёр, Пастаў, Полацка, Наваполацка, Лосвіда, Новалукомля і Браслава. Вітаў іх старшыня Віцебскай абласной арганізацыі Асвод Аляксандр Мясаедаў, які пачаў адкрыццё першынства з уручэння ўзнагарод: Падзяку прэм’ер-міністра і Ганаровую грамату Савета Міністраў Рэспублікі Беларусь атрымалі лепшыя ратавальнікі — Аляксандр Саўчанка з Оршы і Міхаіл Аржанікаў з Наваполацка.
Пасля ўрачыстага ўзняцця сцяга спаборніцтваў ўдзельнікі адправіліся праходзіць першы этап першынства. Ён уключаў у сябе плаванне вольным стылем на 100 м, падачу выратавальнага круга, ратаванне з лодкі і буксіроўку манекена ўплаў.
У гэтай частцы найбольш цікава было назіраць за дзеяннямі ратавальнікаў падчас выхаду на ваду ў лодцы, дзе стартавалі адначасова двое ўдзельнікаў і паралельна адзін аднаму выконвалі аднолькавае заданне. Тут ужо неабходна было не толькі правільна выканаць усе ўмовы, але і зрабіць гэта хутка і якасна, без судзейскіх заўваг.
Другім этапам спаборніцтваў стаў выхад катара па трывозе. Каманды ў поўным складзе і экіпіроўцы па чарзе адпраўляліся да месца «здарэння», шукалі «пацярпелага» і вярталіся назад. На гэта ім адводзіўся тэрмін да пяці хвілін. І хоць заданне было ўмоўным, але дзейнічалі ратавальнікі па-сапраўднаму: хутка, зладжана і якасна.
Падводзячы вынікі, арганізатары падзякавалі за падрыхтоўку да першынства і паказаныя вынікі. Лепшымі ў шматбор’і сёлета сталі ратавальнікі з Оршы, другое месца занялі прадстаўнікі Наваполацка. Нашы мясцовыя хлопцы таксама ўзняліся на п’едэстал і атрымалі бронзавую ўзнагароду. У выхадзе катара па трывозе перамагла каманда Новалукомля, крыху ім саступілі Мёры і Глыбокае.
Аднак самае важнае ў спаборніцтвах усё ж такі не ўзнагароды: галоўнае, што ратавальнікі чарговы раз пацвердзілі свой высокі ўзровень падрыхтоўкі і гатоўнасць у неабходны момант прыйсці на дапамогу. ■
Алена НАБЕЕВА.
Фота аўтара.
На этой черно-белой фотографии запечатлен момент присяги браславчанки Ирины Корвель, которая отправилась в командировку в…
«Не бяруся за справу, якую не магу зрабіць, не люблю інтрыг, валодаю неўтаймоўным аптымізмам, люблю…
Уже несколько лет кряду браславчан волнует качество воды, которая течет из кранов в их домах…
В Витебской области 27 апреля будет дан старт региональному этапу чемпионата Республики Беларусь по футболу…
Концепция национальной безопасности и Военная доктрина Республики Беларусь, которые были утверждены на заседании VII Всебелорусского народного собрания, официально…
Совсем недавно белорусский парламент принял поправки в законы по национальной безопасности. Одно из главных новшеств…