З іх сфарміраваны тры зводныя брыгады рабочых камунальнай службы з трох яе ўчасткаў — Відзаўскага, Слабодкаўскага і Ахрэмаўскага. Усе віды работ зводныя брыгады камунальнікаў выконваюць гаспадарчым спосабам без прыцягнення падрадных арганізацый. Нават асфальтаванне дваровых тэрыторый праводзяць самастойна. Дарожныя арганізацыі аказваюць толькі паслугі спецыялізаванай тэхнікай (каткамі і асфальтаўкладчыкамі), якой няма ў «Браслаў-камунальніку». Гэта дае магчымасць у рамках прадугледжаных асігнаванняў зрабіць больш карыснага для горада і яго жыхароў.
На фота: Рабочыя адной са зводных брыгад укладваюць тратуарную плітку ў двары паміж дамамі № 57 Б і № 65 па вул. Садовай.
Ужо лягло ў дварах больш за 260 тон асфальту. Усяго ж запланавана добраўпарадкаваць за лета 11 дваровых тэрыторый, тры з якіх цалкам здадзены ў эксплуатацыю, а гатоўнасць чатырох іншых складае каля 80 %. Тэрмін завяршэння астатніх — жнівень, а гэта значыць, што камунальнікі апераджаюць лінейны графік планавых работ.
За лета набудуць новы выгляд і ўсе кантэйнерныя пляцоўкі для цвёрдых бытавых адходаў, якіх у горадзе больш за 30: драўляныя абшыюць металапрофілем, бетонныя пафарбуюць у адзіным стылі, на месцы шасці пляцовак увогуле пабудуюць новыя.
Адным словам, нягледзячы на спёку, супрацоўнікі «Браслаў-камунальніка» штодня працуюць напружана з 8.00 раніцы да 18.30 вечара, у тым ліку і ў выхадныя дні.
— Вядома ж, людзі стамляюцца, — кажа дырэктар прадпрыемства Пётр Бялусь, — але, добра разумеючы той факт, што чым лепш выкарыстаюць шчаслівы шанс падрыхтоўкі да абласнога свята працаўнікоў сяла, тым больш карыснага і прыгожага застанецца ў горадзе для саміх сябе і сваіх нашчадкаў, працуюць зладжана, без збояў, хутка, але з належнай якасцю. ■
Во всех районах Беларуси введено ограничение на посещение лесов. Об этом сообщает Министерство лесного хозяйства.…
Тракторист-машинист СПК «Маяк Браславский» Леонид Лавринович уже 36 лет работает на земле и, как говорит…
Жизнь Чеслава Манкевича была такой же, как и у его сверстников. Парень из деревни Закорье…
Постановлением Министерства образования от 8 апреля №40 определены сроки проведения в 2024 году вступительной кампании…
Москва готовится к старту нового туристического сезона и рада встретить гостей на масштабном благотворительном фестивале…
За 120 лет профсоюзами Беларуси накоплен колоссальный опыт, заявил председатель Федерации профсоюзов Беларуси Юрий Сенько,…