Аднак асноўным пытаннем павесткі дня было ўсё ж такі добраўпарадкаванне на тэрыторыі Ахрэмавецкага сельсавета. Трэба адзначыць, што ў якасці прымаючага боку такіх мерапрыемстваў аграгарадок выбіраецца неаднаразова і невыпадкова: за апошнія гады Ахрэмаўцы значна папрыгажэлі, таму, несумненна, могуць выступаць як станоўчы прыклад па навядзенні парадку на зямлі. Хоць, безумоўна, не абыходзіцца без праблемных момантаў.
У гаспадарчым падыходзе да справы ўдзельнікі мерапрыемства змаглі ўпэўніцца ўжо на першым аб’екце ў вёсцы Азяраўцы, які давялося наведаць. Для вясковых людзей прыезд аўталаўкі — гэта цэлая падзея. Падчас чакання машыны можна абмеркаваць навіны і набалелае. Таму з нядаўняга часу ў Азяраўцах пры з’ездзе з рэспубліканскай дарогі пры непасрэднай падтрымцы Фонду міру, які выдзеліў 960 руб., з’явілася лаўка з навесам. Тут можна адпачыць, схавацца ад дажджу ці сонца. Людзі пацвярджаюць, што новаўвядзенне патрэбнае і апраўданае, бо аўталаўка прыязджае 4 разы на тыдзень. Старшыня сельсавета дапаўняе: занадта вялікіх сродкаў не затрацілі, а справу добрую зрабілі. Побач Дзіяна Тарун звяртае ўвагу на адрамантаваныя і пафарбаваныя паштовыя скрыні і такія ж агароджы праз дарогу. Падкрэслівае, што ўсё робіцца сіламі сельсавета, арганізацый і насельніцтва.
Яскравым прыкладам такога ўзаемадзеяння ў поўнай меры можа выступаць месца грамадскага адпачынку па вуліцы Летняй. Ахрэмаўскія жыхары добра памятаюць, як яно выглядала гады тры таму назад: звычайнае зарослае балота на скрыжаванні ў самым цэнтры аграгарадка. Цяпер ад былой балоцістай нізіны няма і знаку. Агароджаная сажалка, клумбы, зона свабоднай бібліятэкі, дзіцячая пляцоўка, на дубе — амаль пушкінскі кот… Месца «Ля млына» ці «Ля ката» стала любімым для ахрэмаўчан, тым больш што многія прыклалі да добраўпарадкавання гэтай зоны свае рукі. Цікава, што такое пераўтварэнне хоць і патрабавала шмат працы і сіл, аднак мінімум фінансавых выдаткаў. Менавіта на сумесную зладжаную работу старшыні сельвыканкама, супрацоўнікаў прадпрыемстваў і арганізацый падчас добраўпарадкавання свайго куточка малой радзімы звярталі ўвагу старшыні райсавета і райвыканкама.
Такой жа закінутай была раней і пляцоўка ў парку «Бяльмонт». Зноў-такі разам з насельніцтвам улада надала ёй другое дыханне. Цяпер гэта таксама ўпадабанае месца вяскоўцаў і вядомы ўсім адрас правядзення культурна-масавых мерапрыемстваў. Напрыклад, у мінулым годзе брэндавае свята аграгарадка сабрала больш за 1 000 жыхароў. Яшчэ адным прыкладам утрымання зямлі ў прыгажосці і парадку для ўдзельнікаў мерапрыемства стала аграсядзіба «Разэта».
На сваіх участках былыя мінчане змаглі навучыцца працаваць на зямлі і зрабілі сапраўдны аазіс. Газон, акуратныя пабудовы, малыя архітэктурныя формы, агарод, пірс — усюды бачна рука гаспадароў. Прапануючы сваю прыгажосць, утульнасць і гасціннасць, сям’я мае яшчэ і неблагі даход ад шматлікіх беларускіх і іншаземных турыстаў. І нічога незвычайнага: штодзённая праца, догляд і любоў да зямлі даюць права лічыцца адной з лепшых аграсядзіб на Браслаўшчыне і ў рэспубліцы.
Удзельнікі мерапрыемства наведалі таксама музычную школу. Тут невялікаму калектыву заўсёды ўдаецца падтрымліваць ідэальны парадак на сваёй тэрыторыі. Сёлета ва ўстанове з’явіўся доўгачаканы санвузел, а ўвогуле ўмовы для дзяцей і педагогаў створаны зручныя і камфортныя.
Прывабна выглядае і Ахрэмаўская школа, дзе радуе вока дагледжаная, хоць і вялізная прылягаючая тэрыторыя, сам будынак і тэматычныя кабінеты ў ім. Нягледзячы на летні час, навучэнцы не прапусцілі магчымасці паказаць свае таленты — артыстычныя і спартыўныя.
Падводзячы вынікі дня сельсавета, свае погляды ў плане арганізацыі далейшай работы выказалі кіраўнікі мабільных груп, якія працавалі ў населеных пунктах непасрэдна перад правядзеннем мерапрыемства. Асноўныя праблемы, якія тычацца і іншых сельсаветаў, аднатыпныя: абкошванне дарог і аб’ектаў, развіццё сельгаспрадпрыемства, ліквідацыя несанкцыянаваных звалак — словам, падтрыманне агульнага парадку на зямлі. Старшыня райсавета Ніна Пучынская адзначыла, што мэта такіх выязных мерапрыемстваў — вызначыць праблемы на месцах і знайсці рашэнне пытанняў у інтарэсах насельніцтва і разам з ім. Менавіта на свядомых кіраўнікоў арганізацый, на моцных гаспадароў, добрасумленных старэйшын абапіраецца ў сваёй дзейнасці старшыня сельсавета Дзіяна Тарун. Так, і пры абмежаваных сродках можна дабіцца значных вынікаў. Старшыня райвыканкама Аляксандр Баданін у сваю чаргу прасіў не замоўчваць праблемы, цікавіцца патрэбамі і бачыць настрой мясцовых жыхароў, аднак не пакідаць людзей безуважлівымі да жыцця сельсавета, а актыўна далучаць іх да навядзення парадку на нашай агульнай зямлі. ■
Вера БУЛАНАВА.
Фота аўтара.
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…