Сёлета, як і заўсёды, у яе рабоце прынялі ўдзел намеснікі дырэктараў і начальнікі лагераў устаноў адукацыі, прадстаўнікі ўсіх зацікаўленых служб і арганізацый раёна.
Як адзначыла метадыст вучэбна-метадычнага кабінета аддзела райвыканкама па адукацыі Алена Гірон паведаміла прысутным, што згодна з раённым планам аздараўлення ў гэтым годзе змогуць адпачыць 732 навучэнцы, з іх у лагерах з дзённым знаходжаннем плануецца прыняць 300 школьнікаў, у палатачных кругласутачных — 341, у лагерах працы і адпачынку — 91.
Амаль ва ўсіх установах адукацыі раёна свае дзверы адчыняць лагеры дзённага знаходжання дзяцей. Пры арганізацыі трохразовага харчавання і дзённага сну для вучняў пачатковых класаў школьнікі будуць у іх знаходзіцца да 16 гадзін. Юных падарожнікаў запрашаюць у палатачныя кругласутачныя 9-дзённыя лагеры. Як заўсёды, будуць дзейнічаць і профільныя лагеры. Так, сумесна з ваенкаматам запланаваны абаронна-спартыўны лагер для дапрызыўнай моладзі. Пры падтрымцы пагранічнага камітэта будуць арганізаваны яшчэ пяць лагераў ваенна-патрыятычнага профілю. Акрамя гэтага, дзяцей запрашаюць адпачыць у лагерах мастацкага, турысцка-краязнаўчага, эколага-біялагічнага, грамадска-гуманітарнага і спартыўна-аздараўленчага напрамкаў.
Падводзячы вынікі нарады, Алена Гірон рэзюмавала, што арганізацыя адпачынку, аздараўлення і занятасці непаўналетніх у летні перыяд з’яўляецца прыярытэтнай задачай усіх суб’ектаў прафілактыкі. Трэба максімальна ахапіць навучэнцаў рознымі цікавымі мерапрыемствамі, уцягнуць іх у заняткі секцый і гурткоў. А тых, хто жадае падзарабіць на канікулах, — працаўладкаваць. Асаблівую ўвагу пры гэтым варта надаваць дзецям, якія стаяць на розных відах прафілактычнага ўліку, а таксама знаходзяцца ў сацыяльна небяспечным становішчы. А. Гірон настойліва рэкамендавала прысутным размяшчаць планы мерапрыемстваў на розных інтэрнэт-рэсурсах, каб як мага больш бацькоў змаглі з імі азнаёміцца.
Галоўнае — дзеці павінны адпачыць, аздаравіцца і поўнымі сіл уступіць у новы навучальны год. ■
Алена ПЯТУШКА.
9 мая, четверг, г. Браслав: 10.00 – 10.10 – театрализованная хореографическая постановка «Весна Победы» в…
В Беларуси в соответствии с решением Президента ежегодно ко Дню Победы участникам Великой Отечественной войны…
Президент Беларуси Александр Лукашенко 7 мая принял участие в торжественном собрании по случаю Дня Победы. Во время…
Белорусы – очень гуманные люди. Вместе с тем принцип неотвратимости наказания за содеянное у нас…
Мероприятия "Последний звонок" для учащихся IX, XI классов учреждений общего среднего образования в Беларуси пройдут…
Президент Беларуси Александр Лукашенко наградил девять населенных пунктов страны вымпелом «3а мужнасць і стойкасць у…