Пасля рамонту знешні выгляд шматкватэрных дамоў, тэрыторыя паміж імі так змяніліся, што можна хадзіць туды на экскурсію, каб палюбавацца.
Адрамантаваны і пафарбаваны цокалі, у падвальных памяшканнях заменены вокны, на прыямках устаноўлены металічныя рашоткі.
У пад’ездах папрыгажэлі ўваходныя групы. На кожным з іх прымацавана акуратная дошка аб’яў і прыгожая інфармацыйная таблічка з нумарацыяй кватэр. Побач з абноўленымі прыступкамі з’явіліся пандусы.
Прыемна прайсціся і па двары. Праезная частка спланавана і засыпана шчэбенем. Для адпачынку ўстаноўлены дыхтоўныя лаўкі з драўляных брусоў і габіёнаў у якасці апор, побач з імі — урны з элементамі халоднай коўкі металу.
Уладкавана прасторная дзіцячая пляцоўка з пясочніцай, змайстраваны зручныя і прывабныя сушылкі для бялізны з навесамі. Работнікі прадпрыемства меліярацыйных сістэм акультурылі калодзеж: кольцы абклалі каменем, змайстравалі навес.
Асобнай увагі заслугоўвае азеляненне. Каля кожнага дома разбіты клумбы, пасаджаны кветкі, туі. Адных толькі аксамітак, па словах начальніка сектара матэрыяльна-тэхнічнага забеспячэння «Браслаў-камунальніка» Дзмітрыя Тумаса, рассаджана каля тысячы. А ўздоўж вул. Садовай прыцягваюць позірк прахожых казіныя вербы. Падчас уладкавання дваровай тэрыторыі камунальнікі максімальна захавалі і старыя пладовыя дрэвы.
Пашчыравалі ў двары і самі жыльцы: самастойна разабралі 5 хісткіх хлеўчукоў і каля 10 прыбудоў. Усякага ламачча было вывезена больш за 50 трактарных прычэпаў.
Жыхары дамоў задаволены адмыслова праведзенымі работамі і прасілі выказаць удзячнасць работнікам «Браслаў-камунальніка», асабліва дырэктару прадпрыемства Пятру Белусю. ■
Тэкст і фота Казіміра ПЯТУШКІ.
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…