Сёлета невялікі ўтульны дворык музея традыцыйнай культуры на некалькі гадзін ператварыўся ў сапраўдную канцэртную пляцоўку, а выставачныя залы былі запоўнены лялькамі з розных краін і ўпрыгожаны карцінамі мясцовага мастака Чэслава Жусяля. Атрымаўся своеасаблівы мікс розных творчых сфер.
Святочны тон усяму мерапрыемству задалі вучні школы № 2. Тры рознаўзроставыя вакальныя групы пад кіраўніцтвам Аксаны Дзярук адкрылі міжнародную акцыю і выступілі з цудоўнай канцэртнай праграмай. Гледачы доўга не хацелі адпускаць юных спевакоў, але неабходна было адпраўляцца на экскурсіі па лялечным свеце і жывапісе.
Выстаўка Ганны Страхавай са Шклова вярнула наведвальнікаў у дзяцінства. Па прафесіі Ганна таксама музейны работнік, лялькі — яе хобі.
Якія толькі экспанаты не прывезла калекцыянер! Аўтарскія лялькі з Германіі, ЗША, Іспаніі, Расіі, Францыі і іншых краін — дзяўчына за некалькі гадоў сабрала ў калекцыі больш за 100 цацак. У некаторых лялек ёсць нават дакументы, якія пацвярджаюць унікальнасць іх паходжання.
Падчас экскурсіі Г. Страхава расказвала пра свае экспанаты, іх адметнасці, а браслаўчане з цікавасцю разглядалі выстаўку і задавалі шмат пытанняў.
Далей дзейства перамясцілася ў вотчыну мясцовага мастака Чэслава Жусяля.
Ён родам з вёскі Пяткунішкі, малюе з дзяцінства. Мужчына з’яўляецца сябрам клуба майстроў і мастакоў «Ля возера», удзельнічае ва ўсіх выстаўках і мерапрыемствах, а многія яго работы захоўваюцца ў фондах раённага аб’яднання музеяў.
Наведвальнікі мерапрыемства з цікавасцю хадзілі па выставачных залах, абмяркоўвалі ўбачанае, размаўлялі з уладальнікамі карцін і лялек, фатаграфаваліся ды і проста вывучалі розныя экспанаты, якія знаходзяцца ў музеі традыцыйнай культуры. Заключным жа акордам акцыі і прыемным сюрпрызам для многіх стала выступленне беларускага музыканта Піта Паўлава.
Алена НАБЕЕВА.
Фота аўтара.
Во всех районах Беларуси введено ограничение на посещение лесов. Об этом сообщает Министерство лесного хозяйства.…
Тракторист-машинист СПК «Маяк Браславский» Леонид Лавринович уже 36 лет работает на земле и, как говорит…
Жизнь Чеслава Манкевича была такой же, как и у его сверстников. Парень из деревни Закорье…
Постановлением Министерства образования от 8 апреля №40 определены сроки проведения в 2024 году вступительной кампании…
Москва готовится к старту нового туристического сезона и рада встретить гостей на масштабном благотворительном фестивале…
За 120 лет профсоюзами Беларуси накоплен колоссальный опыт, заявил председатель Федерации профсоюзов Беларуси Юрий Сенько,…