— Валянціна Віктараўна, тэмпы пасяўной кампаніі ў першую чаргу залежаць ад двух фактараў: добрага надвор’я і гатоўнасці тэхнікі. З першым сёлета пашанцавала як ніколі. Думаю, і з другім у вас было ўсё ў парадку…
— Якраз за тэхнічнае забеспячэнне арганізацыі работ у гэтым годзе я і перажывала больш за ўсё. Справа ў тым, што наш галоўны інжынер Іван Шпак пайшоў на заслужаны адпачынак. На яго месца прыйшоў новы чалавек — Міхаіл Януль, які да гэтага працаваў майстрам вытворчага навучання ў Відзаўскім каледжы. Вядома, адна справа — вучыць будучых механізатараў асновам устройства трактароў, другая — займацца арганізацыяй рамонту тэхнікі на практыцы. Але, як высветлілася, хваляванні мае былі дарэмнымі. Новы інжынер паспяхова прайшоў першае выпрабаванне. Ён і ў ходзе падрыхтоўчых работ, і падчас сяўбы аператыўна вырашаў узнікаючыя праблемы па ліквідацыі паломак. Спадзяюся, спрацуемся і далей.
— У гэтым годзе ваша гаспадарка прырасла ворыўнымі землямі. Ці давялося ў сувязі з гэтым мяняць графік усяго ходу веснавых палявых работ?
— Я б не сказала, што павелічэнне яравога кліна прымусіла нашых хлебаробаў працаваць у аўральным рэжыме. Па-першае, паколькі мы закрылі план азімай сяўбы, то пад яравую засталіся значна меншыя плошчы, чым, скажам, у мінулым годзе. Але ж і тады работы не зацягнуліся. Па-другое, кожны раз імкнёмся выправіць на палеткі найбольш магчымую колькасць тэхнікі, каб нават з прастоямі з-за надвор’я ўправіцца з сяўбой у максімальна сціслыя тэрміны. А паколькі сёлетняя пагода дазваляла працаваць без прастояў, і не патрэбна пастаянна буксіраваць тэхніку, можна сказаць, прыросту плошчаў не надта і прыкмецілі. Поўнасцю закрылі план па ячменю, аўсу, трыцікале. Заканчваем сеяць рапс і аднагадовыя культуры. Закупілі насенне новага сорту гароху, якім зоймем 350 гектараў, яго таксама ўжо сеем. А там надыдзе час і для кукурузы.
— Дарэчы, Валянціна Віктараўна, летась вам упершыню давялося вырошчваць гэтую культуру не для закладкі сіласу, а і на зерне для кармлення свіней. Эксперымент прадоўжыце?
— А як жа. Распрацаваны на комплексе новы рэцэпт камбікорму з кукурузай даў станоўчы эфект. Таму сёлета зоймем гэтай культурай 600 гектараў, што ўдвая больш леташняга. Паспрыяе надвор’е — зноў будзем малаціць зерне, а калі не паспее, маса пойдзе на сілас. Безумоўна, хочацца спадзявацца, што, як летась, здолеем намалаціць высокакаларыйнай дабаўкі ў свіны корм. А гэта значыць, што за кошт уласнага гароху і кукурузы мы значна зменшым затраты на кармленне свіней, чым знізім сабекошт прадукцыі.
Хачу таксама адзначыць, што паралельна з сяўбой яравых у гаспадарцы паспелі падкарміць пасевы азімых збожжавых і рапсу, частку сенакосаў і пашы. Настае пара догляду пасеваў, а там і сенакос.
Радуе, што сёлетні сезон палявых работ пачаўся без спешкі і аўралу, механізатары робяць сваю справу разважліва, па-гаспадарску, бо прывыклі спадзявацца толькі на свае сілы, веды, вопыт, дысцыплінаванасць. А гэта і вырашае канчатковы вынік плённай працы.
— Дзякуй за змястоўную гутарку. ■
Вольга ПАТАПОВІЧ.
Фота аўтара.
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…