У іміджы выпускаемай прадукцыі ў Браслаўскім цэху па вытворчасці сыру ўпэўнены: гэты ўчастак давераны адказнаму і скрупулёзнаму работніку — Алене Кароткай. Акрамя таго, 11-гадовы стаж у сыраробстве і вучоба ў Гродзенскім аграрным універсітэце па спецыяльнасці «інжынер-тэхнолаг» дазваляе гаварыць пра ўжо трывалы вопыт і веданне сваёй справы.
Пачынала Алена працаваць лабарантам хіміка-бактэрыялагічнага аналізу. Цяпер у ланцугу выпуску гатовай прадукцыі займае надзвычай важную пасаду інжынера па якасці. Абавязкаў у А. Кароткай хапае. Яна плануе работу па павышэнні якасці бяспекі ўсёй прадукцыі цэха, кантралюе дзейнасць падраздзяленняў, у тым ліку адгрузку. Сачыць, каб сыр, тваражкі, смятана адпавядалі сучаснаму ўзроўню развіцця навукі і тэхнікі, патрабаванням спажыўцоў на ўнутраным рынку, экспартным стандартам, папярэджваць рэалізацыю прадукцыі, што не адпавядае тэхнічным нарматыўным прававым актам, — таксама задача інжынера. Больш за тое, спецыяліст сам прымае ўдзел у стварэнні стандартаў арганізацыі па кіраванні якасцю і бяспекай выпускаемай прадукцыі, падрыхтоўцы мерапрыемстваў, звязаных з укараненнем стандартаў і тэхнічных умоў, і распрацоўвае найбольш дасканалыя сістэмы і метады кантролю прадукцыі.
Дарэчы, на прадпрыемстве дзейнічаюць сучасныя сістэмы менеджменту бяспекі харчовых прадуктаў і аўтаматызаваная электронная сістэма «Меркурый», якая дазваляе адсочваць шлях прадукцыі на тэрыторыі Расійскай Федэрацыі. Прасцей кажучы, расійскія партнёры загадзя ведаюць, які сыр прапануе цэх. Між іншым пастаўкі нашай прадукцыі за межы краіны ўзнавіліся з пачатку года. На сённяшні дзень браслаўскія вытворцы ажыццяўляюць экспарт у Маскву, Краснадар, Смаленск, а таксама Казахстан.
Падчас нашай размовы А. Кароткая якраз афармляла дакументацыю для экспарту ў Расію. Так, штодзень трэба праверыць знешні выгляд гатовай прадукцыі, стан упакоўкі, маркіроўкі, захавання, загрузкі і ўмовы транспарціроўкі. І толькі з дазволу інжынера па якасці любімыя малочныя прадукты трапяць да спажыўца. ■
Вера БУЛАНАВА.
Фота аўтара.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…