Маладой дзяўчынай пасля заканчэння Беларускага інстытута механізацыі сельскай гаспадаркі прыехала яна на Браслаўшчыну.
— Пасля насычанага жыцця ў сталіцы, — узгадвае жанчына, — было цяжкавата звыкнуцца з цішынёй мястэчка. Але калегі мяне сустрэлі добразычліва, дапамаглі ўладкавацца з жыллём, падтрымалі ў рабоце. Так і засталася.
Ініцыятыўная Марыя з энтузіязмам акунулася не толькі ў навучальны працэс, а і ў грамадскую дзейнасць вучылішча. Арганізоўвала спаборніцтвы, выставы і шматлікія іншыя мерапрыемствы. У хуткім часе дзейнага педагога абралі сакратаром пярвічнай арганізацыі камсамола ўстановы адукацыі.
— Адказная пасада, — кажа М. Манкевіч, — патрабавала і значнага ўкладу ў работу, таму намагалася працаваць з поўнай аддачай.
І як адзначаюць калегі, ёй гэта ўдавалася, бо энергічны маладзёжны лідар сама заўсёды з задавальненнем была ў цэнтры падзей.
Апошніх 10 гадоў жанчына ўзначальвала прафсаюзную арганізацыю каледжа. І на гэтай пасадзе яна насычала жыццё працоўнага і вучнёўскага калектываў яскравымі момантамі, стаяла на абароне інтарэсаў людзей.
За шматгадовую бездакорную прафесійную і грамадскую дзейнасць і з нагоды юбілею Марыю Манкевіч узнагародзілі Ганаровай граматай галоўнага ўпраўлення па адукацыі аблвыканкама, якую ва ўрачыстай абстаноўцы ёй уручыў дырэктар каледжа Міхаіл Смірноў. Шмат добрых слоў сказаў ён у адрас педагога, падкрэсліў яе прафесіяналізм і арганізатарскія здольнасці, надзейнасць і самааддачу ў працы. У пацвярджэнне гэтаму кіраўнік адзначыў М. Манкевіч падзякай.
Павіншаваў жанчыну з юбілеем і старшыня райкама прафсаюза АПК Мікалай Вялічка, які выказаў былому лідару прафкама каледжа ўдзячнасць за работу і ўручыў ёй памятны падарунак. ■
Алена ПЯТУШКА.
Фота аўтара.
В 2024 году каждый месяц в Беларуси посвящен одному из 13-ти видов туризма. Министерство спорта…
Более четверти века трудовая деятельность ведущего инженера Браславского участка электросвязи Глубокского ЗУЭС Витебского филиала РУП…
В этом году ранняя весна еще в марте торопила хлеборобов Браславщины выходить на поля и…
Браславский РЦК на один день стал площадкой масштабного областного конкурса детских вокально-хоровых коллективов «Созвездие голосов».…
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…