Сёлета ўдзел у іх прынялі 443 вучні з усіх устаноў адукацыі раёна. Такія інтэлектуальныя спаборніцтвы дапамагаюць выявіць самых здольных і адораных вучняў і стымулююць іх інтарэс да вучобы.
Вясеннія алімпіяды прайшлі па 17 вучэбных прадметах: беларускай, рускай і замежнай мовах і літаратурах, матэматыцы, фізіцы, біялогіі, інфарматыцы, працоўным навучанні, гісторыі, па прававых ведах і інш.
Як расказала загадчыца вучэбна-метадычнага кабінета аддзела райвыканкама па адукацыі Святлана Кук’ян, па выніках інтэлектуальных спаборніцтваў 153 вучні атрымалі дыпломы, сярод іх 51 — за першае месца, столькі ж — за другое і трэцяе. Больш за ўсіх прызавых месц заваявала гімназія (45), СШ № 2 (38) і першая гарадская школа (28). Менавіта ў гэтых установах адукацыі было больш уладальнікаў дыпломаў першай ступені.
Сельскія вучні таксама ўпэўнена пакараюць прадметныя алімпійскія вяршыні. Так, відзаўскія школьнікі заваявалі 11 дыпломаў, вучні з Ахрэмаўцаў і Опсы — па дзесяць.
Сярод пераможцаў ёсць інтэлектуалы, якія набралі 90 і больш магчымых балаў па сваіх прадметах: пяцікласніцы з гімназіі Аліна Кузьміна і Яна Ластоўская, васьмікласнік Уладзімір Мацулевіч, з другой гарадской школы — чацвёртакласнікі Сямён Бяляўскі і Марыя Смірнова, пяцікласнік Максім Далецкі, васьмікласніца Паліна Лявонава (СШ № 1), чацвёртакласнік Валянцін Алёхна (Відзаўская СШ), сямікласнік Ігар Арэх (Ахрэмаўскі ЯССШ), пяцікласніца Лізавета Угарынка і сямікласніца Паліна Коман (Слабодкаўскі ЯССШ), пяцікласнік Арцём Балочка (Опсаўскі ЯССШ). А вось чацвёртакласнікі Мацвей Папкоў (СШ № 2) і Антон Бурэль (СШ № 1) па прадмеце «Мая Радзіма — Беларусь» увогуле выканалі ўсе заданні на 100 %.
Як паказвае практыка, большасць гэтых інтэлектуалаў потым паказваюць добрыя вынікі па прадметных алімпіядах для старшакласнікаў і годна прадстаўляюць раён на абласным і нават рэспубліканскім узроўнях. ■
Алена ПЯТУШКА.
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…