Як адзначыла метадыст навукова-метадычнага кабінета аддзела райвыканкама па адукацыі Алена Гірон, па традыцыі падчас вясенніх канікул у школах праходзіў Тыдзень дзіцячай кнігі і музыкі. Кожны дзень дзеці маглі адправіцца ў незвычайнае віртуальнае падарожжа, удзельнічалі ў новых літаратурных адкрыццях, конкурсах і віктарынах, сустракаліся з цікавымі людзьмі. На базе ўсіх устаноў адукацыі Браслаўшчыны дзейнічалі каля 120 аб’яднанняў па інтарэсах. Вучні 4 — 9 класаў прадэманстравалі свае веды на вясенніх раённых алімпіядах.
Сёлета наша краіна рыхтуецца да значнага юбілею вызвалення ад нямецка-фашысцкіх захопнікаў. Таму ва ўсіх школах, адзначае А. Гірон, проходзілі памятныя мерапрыемствы, прысвечаныя гэтай даце, хлопчыкі і дзяўчынкі наведалі і прыбралі воінскія пахаванні.
Асаблівая ўвага ў Год малой радзімы ўдзялялася арганізацыі экскурсій школьнікаў у музеі, паходаў па прыгожых мясцінах Браслаўшчыны. У многіх установах адукацыі створаны фотазоны — невялікія куточні малой радзімы.
Таксама ладзіліся сустрэчы з педагогаміпсіхолагамі, мясцовымі паэтамі, супрацоўнікамі праваахоўных і ратавальных службаў, пагранічнікамі.
Запрашалі дзяўчынак і хлопчыкаў усе клубныя ўстановы і бібліятэкі. Шмат мерапрыемстваў у рамках Тыдня кнігі і музыкі прайшло ў гарадской дзіцячай бібліятэцы. Гэта віртуальныя падарожжы, літаратурная гасцёўня і выстава, тэатралізаванае прадстаўленне, урок мужнасці, гульнявыя праграмы.
Асаблівая ўвага на кожных канікулах удзяляецца арганізацыі аздараўлення вучняў. У сямі школах дзейнічалі лагеры з дзённым знаходжаннем дзяцей, у якіх аздаравіліся 240 школьнікаў. Пры залічэнні ў лагеры, адзначыла А. Гірон, перавага аддавалася дзецям-сіротам, з малазабяспечаных, шматдзетных сямей, дзецям з аслабленым здароўем і з сямей, што трапілі ў сацыяльна небяспечнае становішча.
Усе лагеры былі профільнага накірунку: культурна-масавага і грамадска-гуманітарнага. Для належнага адпачынку школьнікаў былі створаны добрыя ўмовы, распрацаваны планы работы. Пры арганізацыі трохразовага харчавання і дзённага сну для вучняў пачатковых класаў дзеці бавілі свой вольны час да 16 гадзін.
Цікавым быў і апошні дзень вясенніх канікул, прысвечаны гадзіне Зямлі. Так, вучні другой гарадской школы выйшлі на вуліцы горада і знаёмілі жыхароў з экалагічнымі праблемамі планеты, раздавалі лістоўкі, а вечарам падчас фотамарафону шукалі ў Браславе будынак ці дом, у якім з 20.30 да 21.30 было выключана святло. Гімназісты правялі маштабнае мерапрыемства каля сваёй установы адукацыі. Цікавая літаратурна-музычная кампазіцыя, музыка, танцы прываблівалі прахожых, якія з задавальненнем далучаліся да акцыі. У сельскіх школах, якія таксама не засталіся ў баку ад падзеі, праходзілі віктарыны, конкурсы малюнкаў, суботнікі і флэшмобы. ■
Алена ПЯТУШКА.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…