Нягледзячы на мароз, які добра-такі пашчыпваў насы і шчокі, удзельнікаў мерапрыемства, сярод якіх былі вучні, іх настаўнікі і бацькі, сабралася нямала. Праграма ўключала бадзёрыя абрадавыя песні, цікавыя звесткі пра адно з самых любімых народных свят, шматлікія конкурсы і забавы.
Вядучыя нагадалі, што кожны дзень масленічнага тыдня меў пэўную назву і суправаджаўся адпаведнымі дзеяннямі. Дзеці атрымалі магчымасць паспрабаваць у іх свае сілы, узнагародай жа самым смелым і актыўным былі духмяныя жоўценькія блінцы. Школьныя краязнаўцы пазнаёмілі таксама прысутных з асаблівасцямі правядзення Масленіцы на Браслаўшчыне. Аказваецца, мясцовыя жыхары каталіцкага веравызнання пяклі, замест бліноў, пончыкі і «абажанкі» (абаранкі) з тварагу. А ў некаторых вёсках асаблівым чынам праводзілі зіму: адзначалі так званыя Казюкі — у гонар святога Казіміра.
Што за свята без гульняў? Зразумела, без традыцыйных забаў не абышлося.
Вучні актыўна ў іх удзельнічалі: шмат ахвотнікаў сабралася на перацягванне каната, дзеці кідалі «снежкі» і вадзілі вясёлы карагод. Асаблівай папулярнасцю карысталіся «блінныя» конкурсы.
Не забыліся і яшчэ пра адзін важны момант свята: спалілі саламянае пудзіла — сімвал зімы.
А потым ўсе дружна ласаваліся гарачым чаем і смачнымі блінамі, сярод якіх трапляліся сапраўдныя шэдэўры кулінарнага майстэрства. ■
Жанна БЯЛЬКО.
Фота аўтара.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…