Раённы цэнтр культуры — месца, дзе не толькі праводзяцца ўрачыстыя мерапрыемствы і канцэрты, тут таксама арганізоўваюць дыскатэкі для браслаўчан рознага ўзросту. Яшчэ літаральна пару гадоў таму назад у выхадныя ў танцавальнай зале на першым паверсе яблыку не было дзе ўпасці. Цяпер людзі не так актыўна ходзяць на дыскатэкі, сказваецца і канкурэнцыя. Тым не менш работнікі культуры праводзяць тэматычныя вечарынкі для моладзі, дыскатэкі для дзяцей і вечары адпачынку для сталых людзей. Галоўны на такіх мерапрыемствах, вядома ж, дыджэй. У РЦК іх трое. Гэта Яўген Нагманаў, Канстанцін Каралевіч і Андрэй Кеніньш.
Хлопцы па чарзе працуюць на дыскатэках, і менавіта ад іх густу залежыць, якая музыка будзе іграць на мерапрыемстве. Хоць, як прызнаюцца яны самі, меркаванне наведвальнікаў заўсёды ўлічваецца.
Найбольш вопытны з усіх дыджэяў — Яўген Нагманаў. Ён працуе на дыскатэках з 2001 года і можа расказаць шмат гісторый са сваёй музычнай практыкі. У цэлым жа за 18 гадоў працы ў сферы дыджэйства на яго вачах цалкам памянялася тэхніка. Спачатку, кажа Яўген, даводзілася працаваць на магнітафонах з касетамі, пры гэтым часам патрэбную кампазіцыю шукалі з дапамогай … простага алоўка. Потым сталі з’яўляцца лічбавыя носьбіты музыкі — дыскі і міні-дыскі.
Цяпер у распараджэнні дыджэяў РЦК сучаснае прафесійнае абсталяванне, якое дазваляе ўвасабляць у рэальнасць любыя музычныя задумы. Тым не менш падрыхтоўка да дыскатэкі пачынаецца задоўга да яе адкрыцця. Кожны дыджэй сам сабе складае сэт-ліст, піша музыку на гадзіну-паўтары, а ўжо падчас дыскатэкі яны змяняюць адзін аднаго. Пасля мерапрыемства неабходна адсачыць водгукі, улічыць пажаданні і шукаць новыя хіты для наступнага разу.
Словам, праца за пультам толькі на першы погляд здаецца лёгкай і нязмушанай, аднак, па сутнасці, ад дыджэя залежыць настрой людзей. А гэта ўжо досыць няпростая задача. ■
Алена НАБЕЕВА.
Фота аўтара.
За квартиру в Браславе продавцы в среднем просят 133 тысячи рублей (подробный обзор опубликован ЗДЕСЬ).…
Недавно мне посчастливилось познакомиться с обаятельной, активной, общительной, ответственной и, на первый взгляд, очень бойкой…
"Белпочта" выплатит пенсии и пособия за 9 и 14 мая досрочно, сообщает БелТА со ссылкой…
В 2024 году каждый месяц в Беларуси посвящен одному из 13-ти видов туризма. Министерство спорта…
Более четверти века трудовая деятельность ведущего инженера Браславского участка электросвязи Глубокского ЗУЭС Витебского филиала РУП…
В этом году ранняя весна еще в марте торопила хлеборобов Браславщины выходить на поля и…