Яго ўдзельнікамі сталі пяць сямей. На сцэне разгарнулася сапраўднае саперніцтва: кожная сям’я імкнулася праявіць сябе з лепшага боку. Усе ўдзельнікі да выступлення рыхтаваліся сур’ёзна. Упэўніцца ў гэтым можна было ўжо ў першым конкурсным заданні — візітцы, падчас якога канкурсанты прадстаўлялі свой радавод.
Сям’я Савіцкіх з Ахрэмаўцаў — тата Леанід, маці Аксана і іх цудоўныя дзеткі Аляксей і Вольга (малыя блізняшкі Ксенія і Людміла засталіся дома) — выйшла на сцэну ў касцюмах пчол.
Гэта яскравае сведчанне не толькі добрых адносін паміж роднымі, але і іх працаздольнасці.
З цеплынёй і любоўю расказалі пра сямейныя традыцыі Валерый і Ала Пучынскія з Браслава, а дачка Ангеліна, сыны Кірыл і Захар ім дапамагалі.
Разам з сям’ёй Крот з Опсы — татам Міхаілам, маці Святланай і дзецьмі Аляксандрай, Даніілам і Марыяй — гледачы гарталі іх сямейны альбом.
Са сваімі генеалагічнымі каранямі пазнаёмілі прысутных слабадчане Эдуард і Алена Пухальскія і іх трое дзетак Данііл, Аліса і Пётр.
Прыгожую рамантычную гісторыю стварэння сваёй сям’і паказалі Яўген і Наталля Толсцік з Браслава і іх дзеткі Данііл, Валерыя і Марыя.
Цікавым было таксама і другое конкурснае заданне. Сем’ям-удзельніцам трэба было прадставіць сацыяльна значны праект «Мая краіна — мая сям’я» і прадэманстраваць актыўную жыццёвую пазіцыю дарослых і дзяцей, іх захапленні і поспехі. Трэба адзначыць, што ў кожнай сям’і ёсць свае адметныя рысы, інтарэсы і дасягненні.
Журы, якое ўзначаліла старшыня райсавета Ніна Пучынская, было нялёгка зрабіць выбар. Ніна Антонаўна пацвердзіла гэты факт, віншуючы ўдзельнікаў конкурса і дзякуючы ім.
У выніку ўсе сям’і былі адзначаны ў адпаведных намінацыях. Звання ж «Лепшая сям’я года» былі ўдастоены Пучынскія. Кожная сям’я атрымала падарункі ад спонсараў, у ролі якіх выступілі ПГУП «Сален-сэрвіс», ААТ «Віцебскхлебпрам», магазін «Еўраопт», ПГУП «Віталіч-Гандаль», ІП Юрый Казлоўскі і Пётр Руткоўскі. ■
Алена ПЯТУШКА.
Фота аўтара.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…