Дарэчы, у нашым раёне міжведамасныя рэйды па шматдзетных, нядобранадзейных сем’ях і падазроных адрасах праходзяць з зайздроснай рэгулярнасцю. Цяпер — акцэнт асаблівы. Нагодай для ўзмоцненай увагі з боку інспектараў РАНС да пытанняў пажарнай бяспекі стала неспрыяльная пажарабяспечная сітуацыя на Браслаўшчыне і Віцебшчыне ў цэлым: напрыканцы леташняга года і сёлета адзначаецца рост пажараў і гібелі людзей на іх.
Заходзім у дом да шматдзетнай сям’і. Спрактыкаваным вокам інспектар адразу заўважае некалькі ўключаных у адну разетку электрапрыбораў. Пажарны рэкамендуе гаспадыні не перагружаць электрасетку і тлумачыць, да чаго такія дзеянні могуць прывесці.
Па іншым адрасе звяртае ўвагу на трэшчыны ў печы, якую даўно трэба адрамантаваць і пабяліць. Пажарны апавяшчальнік, здавалася б, на месцы, аднак пры больш дэталёвым аглядзе заўважаем адсутнасць у прыборы элементаў сілкавання. Каго ж выратуе такі апавяшчальнік!? Інспектар адразу прыводзіць нядаўні опсаўскі прыклад: ноччу АПА спрацаваў і выратаваў шматдзетную сям’ю з пяці чалавек.
І так дом за домам. У адных домаўладаннях парушэнняў пажарнай бяспекі практычна няма, у іншых нараканні знаходзяцца. Складаней з асацыяльнымі асобамі, але ў большасці гаспадары з разуменнем адносяцца да падобных праверак, згаджаюцца і абяцаюць выправіць недахопы.
Прафілактычныя групы за два тыдні ўжо паспелі абследаваць домаўладанні ў Відзах, Друі, Опсе, Мяжанах і Далёкіх. Цікавяцца суб’екты прафілактыкі жыццём надзённым: сацыяльнымі пытаннямі, праблемамі шматдзетных бацькоў, звяртаюць увагу на парадак і санітарна-гігіенічны стан у доме, належны догляд за малымі. У супрацоўнікаў РАНС свая місія — пракантраляваць выкананне норм пажарнай бяспекі.
— Наша мэта, — між справай тлумачыць намеснік Браслаўскага РАНС Сяргей Федарэнка, — паказаць і канкрэтна растлумачыць, чым пагражае тое ці іншае парушэнне правілаў. Падчас аглядаў мы звяртаем увагу ў першую чаргу на стан печаў, ці адпавядаюць яны неабходным патрабаванням, правяраем электраправодку ў доме, спраўнасць і правільную эксплуатацыю бытавых прыбораў, папярэджваем пра небяспеку курэння ў пасцелі, рэкамендуем устанавіць аўтаномны пажарны апавяшчальнік.
Падчас аднаго рэйда прафілактычная група аб’язджае прыкладна 20 домаўладанняў. І калі падобныя акцыі выратуюць ад пажару хаця б адну сям’ю, гэта работа будзе недарэмнай. ■
Вера БУЛАНАВА.
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…