З асаблівасцямі работы пошты Наталля пазнаёмілася яшчэ ў юнацтве: старшакласніцай мясцовай школы разам з сяброўкамі замяшчала паштальёнаў на час іх водпускаў. «Выдаваць пенсіянерам пенсіі нам, малалетнім, вядома ж, не давяралі, — успамінае Н. Мікуцкая, — а вось перыядычныя выданні і паштовыя адпраўленнні мы ахвотна разносілі па вёсках участка».
Хоць прафесійным паштовым работнікам Наталля Чаславаўна стала параўнальна нядаўна, але ўвесь яе працоўны шлях звязаны з галіной абслугоўвання, прычым у родных мясцінах. Больш за 10 гадоў тут жа ў Ахрэмаўцах яна была спачатку прадаўцом, а затым і загадчыцай магазіна. Калі ж спажывецкае таварыства абанкруцілася, часова засталася без работы, аказвала паслугі нямоглым землякам як сацыяльны работнік, а з’явілася магчымасць узначаліць аддзяленне паштовай сувязі — доўга не вагалася, бо асвоіць трэба было толькі тэхналогію працэсу, мець жа добразычлівыя зносіны з людзьмі ў Наталлі Чаславаўны заўжды атрымлівалася. Тым больш што практычна ўсіх жыхароў ахрэмавецкай акругі яна ведае, нават пазнае па голасе таго, хто тэлефануе.
У зоне адказнасці паштовага аддзялення каля 20 населеных пунктаў, якія абслугоўваюць 3 паштальёны. У якасці начальніка Н. Мікуцкая штодзень прымае і адпраўляе машыну з поштай, афармляе дакументы на карэспандэнцыю, пенсіі і тавары паўсядзённага попыту перад выхадам паштальёнаў на даставачныя ўчасткі. Акрамя таго, сама абслугоўвае наведвальнікаў пошты: прымае разнастайныя плацяжы, выдае і адпраўляе пераводы, пасылкі, абналічвае банкаўскія карткі, рэалізуе тавары, латарэі. Пры гэтым вяскоўцы даволі ахвотна і актыўна карыстаюцца такімі паслугамі, як «Экспрэс-пошта», «Камфорт», «Першы клас».
— Каб у мясцовых жыхароў былі запатрабаваны сучасныя віды паштовых адпраўленняў і яны разумелі іх зручнасць, — кажа начальнік аддзялення, — мы павінны найперш не забываць прапаноўваць іх людзям і тлумачыць перавагі.
А размаўляць з кліентамі ў Наталлі Чаславаўны сапраўды атрымліваецца найлепшым чынам. Абаяльная, прыветлівая, з лагоднай усмешкай на твары, яна ўмее знайсці асабісты падыход да кожнага наведвальніка.
— Лічу, самае галоўнае ў маёй рабоце, — разважае жанчына, — так абслужыць кліента, а таксама прапанаваць чалавеку тавары, каб ён застаўся задаволены. Калі надыходзіць тэрмін аплаты камунальных плацяжоў, бывае, праўда, што не паспяваю хутка ўсе іх прыняць, выканаць іншыя аперацыі, дзякую вяскоўцам, што разумеюць гэта і спакойна чакаюць сваёй чаргі. ■
Казімір ПЯТУШКА. Фота аўтара.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…