На свята запрасілі перадавікоў сельгасвытворчасці і прадпрыемстваў перапрацоўкі, ветэранаў галіны, шэфаў, кіраўнікоў арганізацый раёна і многіх іншых.
Першы і вельмі важны момант — уручэнне караваяў ураджаю 2018 года старшыні райвыканкама Аляксандру Баданіну, яго першаму намесніку, начальніку ўпраўлення па сельскай гаспадарцы і прадуктах харчавання Максіму Чагарыну, а таксама ўсім кіраўнікам сельгаспрадпрыемстваў Браслаўшчыны.
Падчас свайго звароту да прысутных А. Баданін падвёў рысу пад чарговым сельскагаспадарчым годам. Ён адзначыў, што, нягледзячы на складаныя ўмовы надвор’я і ўвогуле рызыкоўнае ў нашых мясцінах земляробства, аграрыі дасягнулі пэўных вынікаў. «І ў такіх умовах можна не толькі працаваць, але і паказваць стабільна высокі вынік», — зазначыў кіраўнік раёна, маючы на ўвазе СВК «Маяк Браслаўскі». «Нягледзячы ж на тое, што большую частку сельгасвытворчасці раёна даюць толькі дзве гаспадаркі, ва ўсіх прадпрыемствах галіны зніжаны затраты, наладжана плацежная дысцыпліна, пагалоўе забяспечана травяністымі кармамі, стабільна працуе і перапрацоўка», — рэзюмаваў ён. Старшыня райвыканкама падзякаваў працаўнікам сяла за іх нялёгкую працу, адзначыў уклад у агульную справу ветэранаў галіны і ўсіх тых, хто так ці інакш звязаны з вытворчасцю і перапрацоўкай сельскагаспадарчай прадукцыі, пажадаў ім і іх сем’ям дабрыні, здароўя, дабрабыту і поспехаў.
Са словамі віншавання да прысутных таксама звярнуліся начальнік упраўлення райвыканкама па сельскай гаспадарцы і прадуктах харчавання Максім Чагарын і старшыня раённай арганізацыі прафсаюза работнікаў аграпрамысловага комплексу Мікалай Вялічка.
Узнагароджаных традыцыйна было шмат. Прычым сваіх герояў знайшлі ганаровыя граматы і падзякі самага рознага ўзроўню — ад раённага ўпраўлення па сельскай гаспадарцы да аблвыканкама і профільнага міністэрства. Не засталіся па-за ўвагай і шэфскія арганізацыі, якія аказваюць хлебаробам пасільную, але пастаянную дапамогу, і сельсаветы, што часта ідуць літаральна побач з сельгасарганізацыямі ў справе забеспячэння харчовай бяспекі раёна і краіны.
Словам, кожны, хто ў той дзень падымаўся на сцэну, акрамя ўсяго іншага, атрымліваў ва ўзнагароду і шчырыя апладысменты ад калег і гледачоў, што яшчэ раз падкрэслівае значнасць працы на зямлі і яе высокае прызнанне ў грамадстве.
Урачыстая частка свята прадоўжылася канцэртнай праграмай, падрыхтаванай установамі культуры і адукацыі Браслаўшчыны. ■
Вячаслаў КАЛАДЫНСКІ.
Фота аўтара.
За квартиру в Браславе продавцы в среднем просят 133 тысячи рублей (подробный обзор опубликован ЗДЕСЬ).…
Недавно мне посчастливилось познакомиться с обаятельной, активной, общительной, ответственной и, на первый взгляд, очень бойкой…
"Белпочта" выплатит пенсии и пособия за 9 и 14 мая досрочно, сообщает БелТА со ссылкой…
В 2024 году каждый месяц в Беларуси посвящен одному из 13-ти видов туризма. Министерство спорта…
Более четверти века трудовая деятельность ведущего инженера Браславского участка электросвязи Глубокского ЗУЭС Витебского филиала РУП…
В этом году ранняя весна еще в марте торопила хлеборобов Браславщины выходить на поля и…