Амаль чатыры гады гэтым аддзелам кіруе Вольга Лакотка. Разам з яго супрацоўнікамі яна вывучае якасць фонду бібліятэк раёна, праводзіць маніторынг запатрабаваных кніг, камплектуе новыя паступленні літаратуры. Ад Вольгі і яе калектыву залежыць, якія кнігі ўбачаць чытачы на паліцах бібліятэк раёна. Таму з упэўненасцю можна сказаць: В. Лакотка са сваімі калегамі стварае і карэкціруе літаратурны густ жыхароў Браслаўшчыны.
— Чытаць люблю з дзяцінства, — кажа Вольга. — З цікавасцю і захапленнем брала чарговую кнігу ў бібліятэцы, каб адправіцца з галоўнымі героямі ў новы свет. Падабалася і таямнічая атмасфера храма кніг.
Таму пасля заканчэння школы шлях дзяўчыны ляжаў у Мінскі інстытут культуры на факультэт бібліятэчнай справы. І ўжо больш за 30 гадоў Вольга працуе ў аддзеле камплектавання ЦБС. Работа гэта адказная і скрупулёзная, бо звязана з фінансамі і справаздачнасцю. Але, як заўважыла мая суразмоўніца, ніколі не пашкадавала, што ступіла на гэтую прафесійную сцяжынку, бо работа з кнігамі, зносіны з людзьмі ёй па душы.
Мастацкі густ і творчасць — асноўныя складальнікі, якія непарыўна датычацца бібліятэчнай справы. Гэтыя якасці адносяцца і да В. Лакотка. Таленавітая і крэатыўная жанчына на працягу жыцця захапляецца разнастайным рукадзеллем: навучылася вязанню, асвоіла пляценне з саломкі, атрымала азы ткацтва, потым захапілася складаннем вялікіх карцін з пазлаў.
Пазней яна асвоіла мудрагелістыя і незвычайныя мастацкія тэхнікі: артышок, канзашы, пэчварк без іголкі, світдызайн. Адны гэтыя назвы выклікаюць здзіўленне. Работы майстрыхі зачароўваюць сваёй вытанчанасцю, хараством і акуратнасцю. Шыкоўныя кветкавыя кампазіцыі, незвычайныя вееры, цудоўныя дрэўцы прыцягваюць увагу нават самага патрабавальнага гледача. З пачуццём густу і прыгожага падабрана кожная дэталь, колер і матэрыял у яе вырабах.
Столькі любові і пяшчоты ўкладзена ў любімую работу і захапленні, што адразу ўзгадваеш вядомыя словы: прыгажосць выратуе свет. ■
Алена ПЯТУШКА.
Фота аўтара.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…