Значная ўвага ўзаемадзеянню людзей і прыроды надаецца ў выхаваўчым працэсе гімназіі, дзе створаны цудоўны экалагічны клас. Гаспадыняй гэтага аазіса ўжо 15 гадоў з’яўляецца Святлана Балобанава.
Спачатку, узгадвае жанчына, у кабінеце быў невялікі акварыум, некалькі хамякоў і мноства хатніх раслін. З цягам часу ён папаўняўся новымі жывёламі, мяняўся і яго інтэр’ер. Сёння гэта сучасны прыгожы клас, дзе гімназісты з задавальненнем вучацца разумець і берагчы прыроду, ды і проста праводзіць вольныя хвіліны.
У клопатнай гаспадарцы С. Балобанавай знаходзяцца чатыры акварыумы, самы вялікі з якіх на 260 літраў, некалькі відаў хамякоў, марскія свінкі, папугайчыкі і нават мадагаскарскія тараканы. І, вядома ж, шмат разнастайных кветак. Зразумела, уся гэта прыгажосць патрабуе грунтоўнага і правільнага догляду.
— Пра асаблівасці сваіх гадаванцаў, — расказвае суразмоўніца, — чытала ў спецыяльнай літаратуры і інтэрнэце. Асабліва капрызныя рыбкі. Трэба ўлічваць іх сумяшчальнасць, своечасова мяняць ваду, сачыць за яе тэмпературай.
Каб акварыум нагадваў маленькае марское царства, Святлана насяляе яго разнастайнымі па выглядзе і колеры рыбкамі, афармляе водарасцямі і цікавымі акварыумнымі дэкарацыямі. І трэба адзначыць, што адарваць позірк ад гэтага таямнічага свету вельмі цяжка.
Нямала ўвагі патрабуюць і іншыя насельнікі экалагічнага класа. Кожнага трэба пакарміць, папаіць, памяняць у клетках подсціл, ды і проста патрымаць у руках . Як адзначае С. Балобанава, у яе заўсёды ёсць памочнікі, якія з задавальненнем даглядаюць маленькіх гадаванцаў, гуляюць з імі і фатаграфуюцца. Але найбольш цікава назіраць за выхаванцамі дзіцячых садоў, што прыходзяць сюды на экскурсію.
— У маленькіх гарэз так запальваюцца вочкі, — кажа Святлана, — яны з такім захапленнем назіраюць за жывёламі, задаюць столькі пытанняў, што ўсё гэта падштурхоўвае далей удасканальваць і пашыраць наш экалагічны клас. ■
Алена ПЯТУШКА.
Фота аўтара.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…