Калі першы конкурс прыняў усяго каля дзесяці харавых калектываў, то сёлета быў сапраўдны рэкорд — 28 удзельнікаў, сярод якіх сваё песеннае майстэрства дэманстравалі і дзіцячыя хары. Лепшыя галасы з Віцебска, Полацка, Новалукомля, Магілёва, Полацка, Наваполацка, Брэста, Оршы, а таксама Глыбоцкага, Докшыцкага, Ушацкага, Пастаўскага, Лепельскага, Сенненскага, Верхнядзвінскага, Шумілінскага раёнаў некалькі гадзін дарылі гледачам душэўнае цяпло народных песень і акапэльнага спеву.
Сярод удзельнікаў былі і тыя калектывы, што не першы год прыязджаюць на харавую асамблею і мараць заваяваць галоўны прыз, і дэбютанты, якія выдатна сябе паказалі. Гонар нашага раёна абаранялі народныя ансамблі беларускай песні «Сябрына», «На панадворку» і «Відзаўчанка».
Увогуле ж кожны калектыў па-свойму, непаўторна і прыгожа, выканаў розныя па жанры і характары музычныя творы. Гледачы гучнымі апладысментамі сустракалі ўсіх удзельнікаў асамблеі, з захапленнем слухалі іх выступленні і падпявалі знаёмыя песні.
Безумоўна, журы, у склад якога ўвайшлі вядомыя хармайстры, кампазітары і дырыжоры вобласці, было даволі складана вызначыць пераможцу. Нарэшце адгучаў апошні акорд і журы зрабіла свой выбар, пра які ўсе даведаліся падчас цырымоніі ўрачыстага адкрыцця «Браслаўскіх зарніц» у Леснічоўцы.
Так, Гран-пры абласнога агляду-конкурсу вакальна-харавых калектываў «Браслаўская харавая асамблея» атрымаў хор народнай песні «Рэчанька» Наваполацкага дзяржаўнага музычнага каледжа. Сярод дзіцячых калектываў першае месца падзялілі паміж сабой узорныя харавыя калектывы з Ушач і Брэста.
Сваімі ўражаннямі ад харавой асамблеі падзяліліся пераможцы — удзельнікі калектыву «Рэчанька» з Наваполацка:
— Мы не першы год прыязджаем на гэтае цікавае мерапрыемства. І з радасцю адзначаем, што з году ў год расце ўзровень арганізацыі конкурсу, колькасць калектываў і іх майстэрства. Дадому вяртаемся з прыемнымі ўражаннямі. У наступным годзе пастараемся зноў завітаць на Браслаўшчыну і парадаваць слухачоў новымі музычнымі кампазіцыямі. ■
Алена ПЯТУШКА.
Фота аўтара.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…