Традыцыйны фестываль самадзейнай творчасці педагагічных работнікаў раёна «Песня застаецца з чалавекам», які ладзяць аддзел адукацыі, спорту і турызму райвыканкама і райкам прафсаюза работнікаў адукацыі і навукі, прайшоў на мінулым тыдні ў гімназіі.
Канцэртная праграма фестывалю складалася з трох намінацый: «Вакал», «Харэаграфія», «Арыгінальны жанр». Праграма свята была вельмі насычанай і цікавай. На некалькі гадзін гледачы акунуліся ў свет таленту і крэатыву.
У выкананні творчых калектываў устаноў адукацыі Браслаўшчыны і асобных педагогаў прагучалі народныя, ваенныя, сучасныя, а таксама аўтарскія песні. Пяшчотнай хваляй ахутвалі душу і сэрца вершы, напісаныя самімі настаўнікамі. Дружны смех у зале выклікалі гумарыстычныя пастаноўкі на тэматыку школьнага жыцця.
Словам, фантазіі і таленту выступаючым, як кажуць, было не займаць.
Шквалам апладысментаў і воклічамі «Брава!» падтрымлівалі прысутныя сваіх калег па педагагічным «цэху».
Падводзячы вынікі мерапрыемства, старшыня раённай арганізацыі прафсаюза работнікаў адукацыі і навукі Святлана Сімановіч падзякавала ўсім яго ўдзельнікам і адзначыла, што педагогі яшчэ раз пацвердзілі свае выдатныя творчыя здольнасці і падарылі гледачам сапраўднае свята. За крэатыўнасць і ўменне знайсці час для мастацтва ў шчыльным настаўніцкім графіку ўсім артыстам С. Сімановіч уручыла дыпломы і салодкія прызы.
■ Алена ПЯТУШКА.
Фота аўтара.
За квартиру в Браславе продавцы в среднем просят 133 тысячи рублей (подробный обзор опубликован ЗДЕСЬ).…
Недавно мне посчастливилось познакомиться с обаятельной, активной, общительной, ответственной и, на первый взгляд, очень бойкой…
"Белпочта" выплатит пенсии и пособия за 9 и 14 мая досрочно, сообщает БелТА со ссылкой…
В 2024 году каждый месяц в Беларуси посвящен одному из 13-ти видов туризма. Министерство спорта…
Более четверти века трудовая деятельность ведущего инженера Браславского участка электросвязи Глубокского ЗУЭС Витебского филиала РУП…
В этом году ранняя весна еще в марте торопила хлеборобов Браславщины выходить на поля и…