Душэўна, сардэчна і разам з тым урачыста-журботна прайшоў напярэдадні Дня Перамогі канцэрт у СШ № 1.
У актавай зале навучэнцы школы пад шчырыя апладысменты віталі ветэрана вайны Віталя Цітовіча, былых малалетніх вязняў Алену Угарэнка і Паўла Кудраўцава, воінаў-інтэрнацыяналістаў Леаніда Мікшту і Яўгена Падагеля.
Кожнае слова вядучых і творчыя нумары школьнікаў былі прасякнуты вялікай павагай і ўдзячнасцю да пераможцаў. Падчас музычных кампазіцый юныя артысты ахуталі гледачоў атмасферай тых далёкіх і складаных для нашай краіны часоў, чым закранулі сэрцы і выклікалі на вачах слёзы ў прысутных.
Пра цяжкія выпрабаванні, якія выпалі на іх дзіцячыя гады, расказалі школьнікам А. Угарэнка і П. Кудраўцаў.
Шчырую падзяку за мірнае неба над нашай галавой паважаным гасцям выказала дырэктар школы Тамара Стома, таксама яна павіншавала ветэранаў з надыходзячым святам, уручыла ім падарункі і пажадала як мага больш часу заставацца ў страі.
Пры першых гуках метранома ўся зала ўстала, каб ушанаваць памяць загінулых хвілінай маўчання.
У гэты дзень піянерская арганізацыя школы папоўнілася яшчэ 44 юнымі членамі. Гальштукі — часцінку беларускага сцяга — ім павязалі воіны-інтэрнацыяналісты, ганаровы піянер дружыны Тамара Стома і пераможцы розных конкурсаў. Цёплыя словы віншаванняў і пажаданняў шчаслівага дзяцінства ў адрас новых піянераў прагучалі ад былых афганцаў.
Урачыстай і пераможнай кропкай у канцы канцэрта прагучала песня «Дзень Перамогі» ў выкананні вакальнай групы школы.
■ Алена ПЯТУШКА.
Фота аўтара
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…