Рэжысёрам-пастаноўшчыкам фільма стаў выкладчык мясцовага каледжа Леанід Дзікцяроў. Гэты апантаны краязнаўца ўжо даўно вывучае гісторыю родных ваколіц, адкрывае яе новыя таямніцы і беражліва захоўвае для нашчадкаў. Шмат дакументальных фільмаў зняў Леанід Усцінавіч пра свой пасёлак і яго людзей. А вось нядаўна ён замахнуўся на поўнаметражнае кіно. І трэба сказаць, што яму разам са сваімі аднадумцамі гэта ўдалося.
Аўтар сцэнарыя — драматург з Докшыц Фёдар Палачанін, літаратурная творчасць якога накіравана супраць зла і несправядлівасці, крыўды і здрады, фанабэрыстасці і маральнай разбэшчанасці.
Цэнтральнае месца ў фільме адводзіцца так званаму ў асяроддзі моладзі грамадзянскаму шлюбу і яго магчымым наступствам. Гэтая стужка пра шчырае каханне, здраду, няпраўду, выпрабаванні, расплату і прабачэнне.
Галоўныя ролі сыгралі навучэнцы Відзаўскага каледжа Ганна Брэслаўская, Яўген Крукоўскі, Арцём Савельеў і Яна Вірбал.
На працягу гадзіны відзаўчане з заміраннем сэрца сачылі за падзеямі ў лёсе персанажаў. Фільм атрымаўся музычным. Песні да яго напісала Вольга Беразень з в. Нурвянцы, а музычнае афармленне тэкстаў зрабіў Леанід Лаўрыновіч, супрацоўнік Ахрэмаўскага цэнтра нацыянальнай культуры. Выканаўцамі песень былі Вольга Беразень, Віктар Гайдукоў і Аліна Насыр.
Пасля прагляду відэафільма адбылася шчырая размова кіназдымачнай групы з гледачамі.
■ Алена ПЯТУШКА.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…