Сёлетні пленэр прысвечаны слыннай асобе — нашаму першадрукару Фран- цыску Скарыне і 500-годдзю выдання Бібліі па-беларуску. Каб мастакі маглі поўнасцю акунуцца ў тэматыку і натхніцца на напісанне карцін, у Друю прывезлі рэквізіт — копію друкарскага станка, на якім была надру- кавана Біблія. Ён, дарэчы, дзейсны і выраблены сучасным майстрам з Глыбокага Вячаславам Дзмітровічам. На ім можна зрабіць першую старонку Бібліі. Побач са станком усталявалі драўляную скульптуру першадрукара аўтарства браслаўскага мастака і разьбяра Міхаіла Ставіцкага. Сустрэўся з творцамі нават і «сам» Францыск Скарына. Па запрашэнні ксяндза Сяргея Сурыновіча ў якасці натуршчыка ў Друю прыехаў вядомы рэканструктар, гісторык і дзіцячы пісьменнік Юрый Усціновіч. Ён знешне вельмі падобны да беларускага першадрукара, таму мастакі мелі магчымасць некалькі дзён пісаць яго партрэты. У гасцях у творцаў таксама пабывалі літаратары Адам Глобус і Аляксей Шэін. Наведаў мастакоў біскуп Віцебскай дыяцэзіі Алег Буткевіч.
— У гэтым годзе на пленэр прыехалі больш за 30 удзельнікаў з нашай краіны, суседняй Расіі і Галандыі. Прадстаўлены ўсе вобласці Беларусі. З Браслаўскага раёна таксама ёсць прадстаўнік: свае сілы ў напісанні карцін спрабуе вядомы ганчар Руслан Лабуць, — расказаў ксёндз Сяргей Сурыновіч. — Як і раней, мастакі прайшлі папярэдні творчы адбор, бо жадаючых трапіць сюды было шмат.
Толькі скарынаўскай тэматыкай удзельнікі пленэру не абмежаваны.
— Я сама родам з Беларусі, але даўно жыву і працую ў Галандыі. Мне вельмі спадабалася Друя, арганізаваны пленэр. Тут нейкая своеасаблівая творчая атмасфера, — кажа Людміла Кальмаева. — Мясцовыя краявіды вельмі натхняюць на працу.
Аляксей Залезін, мастак з Санкт-Пецярбурга, таксама поўны станоўчых уражанняў. Ён прыехаў на пленэр разам з сяброўкай па рэкамендацыі беларускай мастачкі Вольгі Куваевай.
— Я задаволены тым, што давялося сюды трапіць. Увогуле ўпершыню ў Беларусі, і мне вельмі падабаецца, — кажа мужчына.
Мастацкі пленэр «Скарынэр» стаў сапраўдным мастацкім форумам. Па яго выніках адбылося адкрыццё вернісажу ў сценах касцёла Найсвяцейшай Троіцы ў Друі і, як і раней, мастакі пакінулі па некалькі прац для мясцовай галерэі.
■ Алена НАБЕЕВА.
Фота аўтара.
9 мая, четверг, г. Браслав: 10.00 – 10.10 – театрализованная хореографическая постановка «Весна Победы» в…
В Беларуси в соответствии с решением Президента ежегодно ко Дню Победы участникам Великой Отечественной войны…
Президент Беларуси Александр Лукашенко 7 мая принял участие в торжественном собрании по случаю Дня Победы. Во время…
Белорусы – очень гуманные люди. Вместе с тем принцип неотвратимости наказания за содеянное у нас…
Мероприятия "Последний звонок" для учащихся IX, XI классов учреждений общего среднего образования в Беларуси пройдут…
Президент Беларуси Александр Лукашенко наградил девять населенных пунктов страны вымпелом «3а мужнасць і стойкасць у…