Кожны год у час правядзення «Браслаўскіх зарніц» гарадскія прадпрыемствы харчовай прамысловасці ладзяць продаж і дэгустацыю сваёй прадукцыі, шырокі асартымент тавараў прапануе райпа, клуб народных майстроў «Ля возера» арганізуе выставы работ. Не абмінаюць наш фестываль і ўмельцы з іншых раёнаў вобласці, свае гандлёвыя кропкі адкрываюць прафтэхліцэі і каледжы з Лепеля, Наваполацка і Полацка, Глыбокага і, канечне ж, з Відзаў.
Ужо трэці год запар прывозіць са Смаргоні ў Браслаў надзімныя атракцыёны, электрамабілі, батуты дырэктар унітарнага прадпрыемства «Ліянік» Андрэй Ліс. Сёлета ж з ім канкурыраваў калега з агр. Шацк Пухавіцкага раёна Юрый Валодзін, які прывёз 5 атракцыёнаў. Абодва прадпрымальнікі засталіся задаволеныя тым, наколькі аператыўна, без лішняй валакіты ім выдзялялі месцы для арганізацыі адпачынку дзяцей, і гатовы прыязджаць да нас на кожнае масавае мерапрыемства, якое праводзіцца ў Леснічоўцы.
Асобна хочацца адзначыць арганізацыю гандлю і дэгустацыі прадукцыі ўласнай вытворчасці абодвума філіяламі Глыбоцкага МКК і хлебазавода. І ў суботу, і ў нядзелю людзі не абміналі іх гандлёвых кропак, з задавальненнем частаваліся, а затым і куплялі вырабы. І калі браслаўчане, прывычныя да такой формы гандлю, у сваіх водгуках пра прадукцыю былі стрыманымі, то госці не скупіліся на пахвалу. Напрыклад, здзівіла, што дзяўчаты ансамбля «Сусісахістаяд» з Эстоніі, марской дзяржавы, вельмі ўпадабалі кансервы «Браслаўрыбы» і набывалі іх у якасці сувеніраў для сяброў і родных. Расійскія ж артысткі з ансамбля «Жемчужина» з задавальненнем частаваліся гарачымі булачкамі.
Дзевяць гандлёвых палатак з кулінарнымі вырабамі, напоямі, сокамі, тры міні-кафэ, столькі ж кропак для прыгатавання шашлыкоў, мабільныя латкі-цялежкі з марожаным, чабурэкамі, піражкамі, беляшамі — далёка не поўны пералік таго, што прапаноўвала пакупнікам Браслаўскае райпа.
Не заставаліся па-за ўвагай і вырабы народных майстроў клуба «Ля возера». Сёлета да нашых умельцаў у госці прыехалі іх калегі з Віцебска, Дуброўна, Лепеля, Бешанковічаў, Оршы. Адметна і тое, што клуб папаўняецца новымі майстрамі. У суботу і нядзелю, напрыклад, упершыню свае вырабы, а гэта ў асноўным абразы, дэманстравала браслаўчанка Антаніна Лемяшонак.
Такім чынам, можна смела сцвярджаць, што, акрамя канцэртных праграм, «Браслаўскія зарніцы» былі насычаны і іншымі цікавымі мерапрыемствамі на любы густ.
■ Аляксандр АЗЕВІЧ.
Фота аўтара
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…