Любоў і цікавасць да раслін у маладой жанчыны праявілася яшчэ ў дзяцінстве. З вялікім задавальненнем яна разам з маці даглядала расаду, а потым высаджвала яе на клумбы. І цяпер кветкаводства стала для яе не толькі прыемным заняткам, але і крыніцай даходу. Ужо не першы год саджанцы разнастайных раслін у Н. Яроцкай з задавальненнем купляюць гаспадары прысядзібных участкаў, а таксама арганізацыі і прадпрыемствы горада. А сёлета жанчына рызыкнула вырасціць цюльпаны.
— Безумоўна, — кажа Ніна, — працаваць з кветкамі прыемна, але гэта цяжкая і карпатлівая праца, да якой трэба падыходзіць з пэўнымі ведамі.
І сапраўды, як вырасціць, напрыклад, петунію, ведаюць многія. А вось выпеставаць капрызныя замежныя кветкі — справа іншая. Таму, перш чым за яе ўзяцца, кведкавод вывучала спецыяльную літаратуру, пераймала вопыт іншых цяплічных гаспадарак. Але, як слушна заўважыла суразмоўніца, з уласным вопытам не параўнаць.
Звычайныя цыбуліны цюльпанаў не падыходзяць для выганкі ў цяпліцах, таму Н. Яроцкая выправілася ў сталіцу, дзе набыла спецыяльны «матэрыял». І ў кастрычніку закіпела работа. Трэба прыкласці нямала намаганняў, каб кветка атрымалася прыгожай. У першую чаргу — уважліва сачыць за тэмпературным рэжымам і вільготнасцю ў цяпліцы, нават ноччу. І нягледзячы на тое, што ў доме для гэтай мэты ёсць спецыяльны датчык, Ніна па чарзе са сваім мужам завіхаюцца над сваімі «гадаванцамі». У вызначаны час іх трэба паліць, падкарміць, апырскаць цёплай вадой. Дарэчы, захоўваць кветкі ў бутонах — таксама асаблівая тэхналогія.
Хутка наступіць першае вясенняе свята і ў браслаўскіх мужчын ёсць магчымасць павіншаваць сваіх жанчын прыгожымі цюльпанамі, клапатліва вырашчанымі Нінай Яроцкай.
■ Алена ПЯТУШКА.
Фота аўтара.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…