Па традыцыі ў гэты дзень былыя «афганцы» наведалі месца пахавання Валерыя Александровіча, які загінуў у далёкай краіне, з удзячнасцю выслухалі выступленне вучняў Ахрэмаўскага ДССШ. Не абмінулі яны і магілы сваіх баявых таварышаў, якія не дажылі да сённяшняга дня, кветкамі і добрым словам ушанавалі іх памяць.
Затым віноўнікі ўрачыстасці накіраваліся ў СШ № 1, дзе ў фае на першым паверсе з цікавасцю разглядалі карціны адпаведнай тэматыкі віцебскіх мастакоў, наведалі і музей. Прыемна адзначыць, што гэтая скарбніца гісторыі штогод папаўняецца новымі значнымі экспанатамі. З сумам у вачах разглядалі ветэраны афганскай вайны цяжкія сведчанні сваёй баявой маладосці. Закранулі прысутных і вершы паэта Яўгена Расалая, які прыйшоў павіншаваць былых «афганцаў».
Шматлюдна было 15 лютага і ў гарадскім скверы каля памятнага знака воінам-інтэрнацыяналістам. Акрамя ўдзельнікаў урачыстасці, сюды прыйшлі школьнікі, моладзь і людзі старэйшага пакалення, каб ушанаваць памяць тых, каго дадому даставіў «чорны цюльпан».
Як падкрэ- сліў у сваім выступленні старшыня райвыканкама Уладзімір Дранеўскі, вайна ў Афганістане была сапраўднай школай мужнасці для нашых салдат, а гонар за подзвігі, гераізм воінаў-«афганцаў» неаддзельны ад светлай памяці тых, хто не вярнуўся з бою. І сёння мы не павінны забываць, што зрабілі гэтыя мужныя людзі. Уладзімір Дранеўскі пажадаў віноўнікам урачыстасці моцнага здароўя, шчасця і дабрабыту, а таксама адзначыў работу па добраўпарадкаванні памятнага знака саміх былых «афганцаў», работнікаў КУП ЖКГ «Браслаў-камунальнік» і іншых арганізацый і прадпрыемстваў горада.
Да прысутных звярнуўся і старшыня РГА «Беларускі саюз ветэранаў вайны ў Афганістане» Леанід Мік- шта. Ён нагадаў пра падзеі тых ваенных часоў, падкрэсліў стойкасць і адвагу беларусаў, якія выконвалі свой інтэрнацыянальны абавязак і выказаў словы падзякі і віншавання ў адрас сваіх таварышаў.
Са шчырымі словамі павагі і ўдзячнасці звярнуўся да воінаў-«афганцаў» раённы ваенны камісар Віталь Грамніцкі.
Хвілінай маўчання, вянкамі і кветкамі ўшанавалі прысутныя памяць загінулых на чужой зямлі. Не забываюць браслаўчане цяжкія падзеі вайны ў далёкай краіне. ■
Алена ПЯТУШКА.
Фота аўтара.
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…