— Да навагодніх ранішнікаў, — кажа намеснік загадчыка па асноўнай дзейнасці ясляў-сада № 1 Сняжана Ляўчук, — падрыхтоўка ў нас пачынаецца з лістапада. Асобныя сцэнарыі для кожнай групы рыхтуе музычны кіраўнік, пры гэтым абавязкова ўлічвае ўзроставыя магчымасці дзяцей і пажаданні бацькоў.
Безумоўна, з кожным годам ствараць зімовую казку ўсё складаней, бо здзівіць сучасных дзяцей цяжка. Тым не менш крэатыўныя, таленавітыя і артыстычныя работнікі дашкольнай установы ўласнымі намаганнямі прыгожа афармляюць будынак і памяшканні сада, ладзяць чароўнае казачнае свята.
У тэатралізаваным прадстаўленні абавязкова задзейнічаны ўсе дзеці. Як і раней, адзначае С. Ляўчук, дзяўчаты пераапранаюцца ў прынцэс, сняжынак, усходніх прыгажунь, а хлопцы выбіраюць баявыя вобразы мушкецёраў і піратаў, добразычлівых гномаў. Вось толькі касцюмы сённяшніх герояў значна адрозніваюцца ад навагодніх убораў іх бацькоў, не кажучы ўжо пра касцюмы дзядуляў і бабуль.
Ды і на героях старых добрых казак ХХІ стагоддзе пакінула свой адбітак. Дзед Мароз тэлефануе па смартфоне, а Баба Яга прыходзіць на свята з флэшкай. Традыцыйныя вершы і песні, у тым ліку знакамітая “Елачка”, суседнічаюць з творамі сучасных аўтараў.
А вось светлая вера ў Дзеда Мароза жыве ў сэрцах і сучасных дзетак, яе шчыра падтрымліваюць выхавальнікі. Яны нагадваюць маленькім гарэзам пра бязмежныя магчымасці казачнага чараўніка, які ўважліва сочыць за іх паводзінамі і абавязкова прынясе ў навагоднюю ноч чаканы падарунак.
Зразумела, бацькі ў падрыхтоўцы да свята прымаюць самы актыўны ўдзел. Іх галаўны боль — утрапіць свайму чаду ў стварэнні касцюма. Творчыя маці дапамагаюць упрыгожваць групы. Таты на ранішніках выступаюць у ролі Дзеда Мароза. Прычым, адзначае Сняжана Рышардаўна, артысты настолькі ўжываюцца ў сваю ролю, што сын ці дачка падчас прадстаўлення не могуць пазнаць іх.
Цяпер малыя на занятках малююць святочныя паштоўкі, выазаюць упрыгожванні. Штодзень яны рэпеціруюць, пяюць, танцуюць і вельмі намагаюцца зрабіць усё правільна. Але саму навагоднюю казку дзеці ўбачаць толькі на ранішніку — галоўная інтрыга павінна захавацца.
■ Алена ПЯТУШКА.
Фота аўтара.
Во всех районах Беларуси введено ограничение на посещение лесов. Об этом сообщает Министерство лесного хозяйства.…
Тракторист-машинист СПК «Маяк Браславский» Леонид Лавринович уже 36 лет работает на земле и, как говорит…
Жизнь Чеслава Манкевича была такой же, как и у его сверстников. Парень из деревни Закорье…
Постановлением Министерства образования от 8 апреля №40 определены сроки проведения в 2024 году вступительной кампании…
Москва готовится к старту нового туристического сезона и рада встретить гостей на масштабном благотворительном фестивале…
За 120 лет профсоюзами Беларуси накоплен колоссальный опыт, заявил председатель Федерации профсоюзов Беларуси Юрий Сенько,…