Кожны год стаянка “Окменіца” на некалькі дзён ператвараецца ў цэнтр турысцкіх баталій. Сёлета заваяваць галоўны прыз — пераходны кубак — пажадалі 20 каманд з 15 устаноў адукацыі, а гэта каля 200 школьнікаў. Дзяцей чакала шмат цікавых выпрабаванняў і конкурсаў, уражанняў і эмоцый, добрага настрою і новых знаёмстваў. Юныя турысты павінны былі паказаць не толькі свае навыкі, але і добрую фізічную падрыхтоўку, крэатыўнасць і творчыя здольнасці. Аднак іспыты іх не пужалі, а, наадварот, толькі настройвалі на хвалю перамогі. Ды і выдатнае надвор’е дадавала до- брага настрою і зараджала бадзёрасцю на бліжэйшыя дні.
Папярэднічала ж спартыўнай частцы ўрачыстае адкрыццё мерапрыемства, на якое завіталі начальнік аддзела адукацыі, спорту і турызму Іван Абаровіч і дырэктар ЦДіМ Алена Гірон. Яны пажадалі юным турыстам поспехаў і добрага адпачынку. А пераможцы мінулагодняга турзлёту — каманда Опсаўскай школы — узнялі сцяг і перадалі журы пераходны кубак.
За два дні школьнікі павінны былі годна справіцца з доўгай дыстанцыяй, спартыўным арыентаваннем, конкурсамі мастацкай самадзейнасці і турысцкіх навыкаў і быту. Так, падчас самага галоўнага іспыту — паласы перашкод — юныя турысты паказалі, як яны ўмеюць завязваць вузлы, пераносіць пацярпелага, перапраўляцца па бервяне і паралельных вяроўках, пераадольваць брод, маятнік, гаць, распальваць вогнішча і многае іншае. І ўсё гэта трэба было паспець зрабіць за 2 гадзіны. Як паказалі вынікі, на трасе ўсе каманды выступілі годна, паказалі свой турыстычны спрыт і хуткасць.
Не менш было і іншых цікавых конкурсаў. Па тры ўдзельнікі ад кожнай каманды спаборнічалі ў спартыўным арыентаванні. А пакуль яны пераадольвалі выпрабаванні, іх сябры па камандзе рыхтавалі з прыродных матэрыялаў эмблему сваёй каманды і прадстаўлялі на суд журы. Тут ужо не спартыўныя здольнасці трэба было прымяніць, а творчыя. Спатрэбіліся яны і падчас конкурсу мастацкай самадзейнасці. Пасля напружанага дня вечарам турысты сабраліся каля вогнішча, каб паказаць сваё вакальнае і артыстычнае майстэрства.
Час праляцеў хутка, і наступіў самы доўгачаканы момант — падвядзенне вынікаў. Сярод базавых школ трэцімі сталі турысты з Быстрамаўцаў, другімі — вучні з Іказні, а пераможцамі — каманда Друйскага дзіцячага дома. Сярод сярэдніх школ барацьба была больш напружанай. І ўсё ж такі трэцяе месца занялі вучні з Відзаўскай школы, другое — турысты з СШ № 2, а пераможцам другі год запар стала каманда Опсаўскай школы. Дарэчы, менавіта яна прадстаўляла наш раён на аблас- ным турзлёце, які нядаўна праходзіў у Сенненскім раёне. Хоць і не хапіла нашым турыстам зусім крыху да перамогі, аднак у некаторых конкурсах яны былі сярод лідараў.
Ад удзельнікаў давялося пачуць, што для іх турзлёт — сапраўднае свята на прыродзе.
Таццяна ПЯТУШКА. Фота аўтара.
По традиции ежегодно накануне 9 мая в соответствии с указом Президента Беларуси Александра Лукашенко выплачивается…
Может ли хрупкая женщина успешно возглавлять секретную службу и наравне с офицерами-мужчинами достойно, говоря уставным…
На неудовлетворительное состояние отдельных улиц микрорайона Муражи города Браслава местные жители обратили внимание еще в…
По всей Беларуси тезисы Всебелорусского народного собрания продолжают оставаться главной темой для обсуждения. Его делегаты…
В эти дни у Евгения Набеева, режиссера народного театра и театра миниатюр «Покер» Браславского РЦК,…
На прошлой неделе в Браславе прошел День призывника. В его рамках повестки получили 20 юношей,…