Чым вы звычайна займаецеся ў вольны час? А між іншым, непадалёку ад Браслава ёсць цікавае і прыгожае месца. Называецца яно Слабодкаўская озавая града.
Лекавае хваёвае паветра, пагоркі, з якіх адкрываюцца прыгожыя прасторы азёраў Поцех і Недрава, духмяныя кветкі, рознакаляровыя матылькі, спевы птушак, лавачкі для назірання за прыродай… Месца, дзе за некалькі гадзін можна адкрыць для сябе прыгожы куточак Браслаўшчыны і надоўга зарадзіцца энергіяй.
Гэты экалагічны маршрут пралягае ўздоўж розных дрэў і рэдкіх відаў раслін, даведацца пра якія можна з устаноўленых шыльдаў. Па ўсім маршруце, працягласць якога складае 4,6 кіламетра, пастаўлены ўказальнікі руху і лаўкі для адпачынку. Для зручнасці вандроўнікаў найбольш крутыя схілы абсталяваны драўлянымі лесвіцамі. Падрыхтавана 7 стаянак з інфармацыйнымі стэндамі. На іх можна прачытаць разнастайную інфармацыю пра раслінны, жывёльны і водны свет. Цікава даведацца пра “ледніковы” след у фарміраванні ландшафту нашага краю, а таксама папоўніць археалагічныя і гістарычныя веды. Некаторая інфармацыя носіць павучальны змест, напрыклад, чаму нельга разводзіць вогнішчы ва неўстаноўленых месцах і якую шкоду агонь наносіць прыродзе.
Увогуле падчас прагулкі прыемна здзіўляешся, як усё прадумана. У прыватнасці, у адным месцы добра праглядаецца слабодкаўскі касцёл. Так, браслаўскія жыхары, магчыма, і ведаюць шмат з яго гісторыі, а прыезджыя? Таму якраз да месца невялікая шыльда з гістарычнай даведкай і фотаздымкамі ўнутранага ўбрання.
На сайце нацыяльнага парка “Браслаўскія азёры” пазначана, што “экалагічная сцяжынка “Слабодкаўская озавая града”распрацавана з мэтай экалагічнага, эстэтычнага і прыродаахоўнага выхавання наведвальнікаў, азнаямлення іх з прыродай Браслаўскага Паазер’я і гістарычнымі падзеямі, якія пакінулі свой след на озавай градзе”. Што ж, мяркуючы па колькасці людзей, якіх сустрэла на экалагічнай сцяжынцы, яна карыстаецца попытам і выклікае цікавасць у мясцовых і прыезджых аматараў актыўнага адпачынку.
Алена Набеева.
Фота аўтара.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…