Адкрыў яго зводны хор Браслаўскага раёна, які аб’яднаў 300 чалавек. Так падтрымалі даўнюю традыцыю: яшчэ ў 30-я гады мінулага стагоддзя ў нашым горадзе праводзіліся павятовыя святы песні. Затым браслаўчан і гасцей города віталі непасрэдныя і жыццярадасныя дзеці — задорныя і актыўныя піянеры, мэтанакіраваныя выпускнікі 2015 года, таленавітыя дзяўчаты з ансамбля барабаншчыц “Брава”, моладзь з БРСМ, спартсмены. Маладое пакаленне, творчае, гатовае да новых здзяйсненняў і адкрыццяў, — сапраўдны гонар Браслаўшчыны. Да моладзі далучыліся працоўныя калектывы хлебазавода, філіялаў Глыбоцкага МКК, якія забяспечваюць гараджан і прыезджых смачнай і якаснай прадукцыяй. Удзельнікамі тэатралізаванага шэсця сталі і творчыя калектывы, якія прадстаўлялі на фестывалі культуру Беларусі, Латвіі, Эстоніі, Польшчы, Расіі, Індыі.
Святочная калона, якую ўзначалілі старшыня райвыканкама Уладзімір Дранеўскі і старшыня райсавета Ніна Пучынская, ганаровыя госці, накіравалася з гарадской плошчы ў лесапарк “Леснічоўка”. Там адбыўся гала-канцэрт, які стаў заключным акордам свята. Пачаўся ён са слоў віншавання, якія старшыня Віцебскага абласнога выканаўчага камітэта Мікалай Шарснёў даслаў у адрас міжнароднага свята традыцыйнай культуры “Браслаўскія зарніцы — 2015”. Іх агучыў намеснік старшыні аблвыканкама Уладзімір Цярэнцьеў. А старшыня райвыканкама Уладзімір Дранеўскі нагадаў прысутным, што фестываль, які праходзіць ужо 48 раз, па-ранейшаму адкрыты для іншых культур і пры гэтым захоўвае свае традыцыі, умацоўвае міжнародныя сувязі, а яго будучыня звязваецца з развіццём і абнаўленнем.
Працягнулася святочная праграма ўшанаваннем лепшых працаўнікоў нашага раёна — 16 уладальнікаў ганаровага звання “Чалавек года Віцебшчыны”.
А далей 13 творчых калектываў з 6 краін парадавалі сваім талентам і майстэрствам гледачоў, падарылі ім яркія і незабыўныя моманты. Некалькі гадзін праляцелі незаўважна. Выдатныя галасы, прыгожыя харэаграфічныя пастаноўкі, каларытныя касцюмы захапілі прысутных. І песенныя, і танцавальныя нумары мелі вялікі поспех, выклікалі шчырыя апладысменты, запомніліся проста неймавернай энергетыкай і высокім майстэрствам. А найбольшую цікавасць гледачоў выклікалі выступленні расійскага народнага харэаграфічнага калектыву “Танцавальны салон”, дзяўчынак са школы індыйскага танца “Амрапалі” і ансамбля казачай песні “Бацька атаман”, пра што сведчылі воклічы “Брава!”.
Напрыканцы святочнай праграмы Уладзімір Цярэнцьеў і Уладзімір Дранеўскі падзякавалі ўдзельнікам і гасцям фестывалю, узнагародзілі творчыя калектывы дыпломамі за высокі творчы ўзровень і актыўны ўдзел у міжнародным свяце традыцыйнай культуры, а таксама браслаўскімі гасцінцамі. Намеснік старшыні Віцебскага аблвыканкама адзначыў выдатную падрыхтоўку фестывалю, у прыватнасці, ён сказаў: “Добры арганізатар, добрыя выканаўцы, добрыя гледачы, якія “выкупалі” ў апладысментах выступаючых, — усё гэта было сёння”.
Жанна Бялько.
Фота аўтара.
Хотя Лев Толстой в свое время писал, что все счастливые семьи похожи, всё же в…
Трое молодых браславчан, более пяти лет отработавших за рубежом на благоустройстве территорий, прилегающих к элитным…
Беларусь помнит подвиг советского народа в Великой Отечественной войне. И через десятилетия правнуки героического поколения…
"Профсоюз – это мы" Под таким названием в Браславском районном объединении музеев действует экспозиция, посвященная…
Беларускія дзяржаўныя сімвалы натхнёны ідэямі нацыянальнай годнасці і сапраўднага народаўладдзя. Пра гэта Прэзідэнт Беларусі Аляксандр…
«Ночь музеев» приглашает В пятницу, 17 мая, браславчане могут принять участие в традиционной акции «Ночь…