У фае гімназіі, дзякуючы майстэрству выдатнага музыканта Вячаслава Цітовіча, з саксафона ліліся чароўныя мелодыі, якія прыдавалі святу своеасаблівую атмасферу ўзнёсласці і непаўторнасці.
Першым з прывітальнымі словамі да прысутных звярнуўся старшыня райвыканкама Сяргей Шматаў. У прыватнасці, ён адзначыў, што прафесія педагога лічыцца самай высакароднай, стваральнай, творчай і адначасова складанай і адказнай, а выхаванне дзіцяці — гэта вялікая і значная праца.
Сяргей Мікалаевіч падкрэсліў, што большасць педагагічных кадраў — людзі нераўнадушныя, таленавітыя, з актыўнай жыццёвай пазіцыяй, якія творча развіваюць і захоўваюць лепшыя традыцыі нацыянальнай адукацыі, з’яўляюцца праваднікамі дзяржаўнай ідэалогіі.
Пасля цёплых віншавальных слоў кіраўнік раёна ўручыў вялікай групе настаўнікаў ганаровыя граматы Міністэрства адукацыі, граматы і ўдзячнасці раённага выканаўчага камітэта. Уладзімір Сакалоўскі, кіраўнік узорнага аркестра народных інструментаў ЦДМ, быў адзначаны знакам “Выдатнік адукацыі Рэспублікі Беларусь”.
Далей прыемную цырымонію ўзнагароджання ганаровымі граматамі абласнога ўпраўлення працягнула старшыня раённага Савета дэпутатаў Ніна Пучынская. Яна выказала педагогам шчырыя словы падзякі за іх добрасумленную працу, павіншавала са святам і пажадала далейшых поспехаў.
Пазней вядучыя пачалі выклікаць на сцэну намінантаў цырымоніі “Прызванне 2014”. У намінацыі “Твар прафесіі” кветкі і граматы раённага аддзела адукацыі, спорту і турызму атрымалі 22 чалавекі. Усіх іх сардэчна вітаў начальнік аддзела адукацыі, спорту і турызму Іван Абаровіч.
Пасля ўзнагароджання на сцэну для віншавання і ўручэння памятных падарункаў былі запрошаны педагогі школ і выхавальніцы дашкольных устаноў, якія многа гадоў свайго жыцця прысвяцілі навучанню і выхаванню дзяцей. Вядучыя расказалі асноўныя вехі працоўнай біяграфіі кожнага з іх, а з дапамогай мультымедыйнай устаноўкі былі паказаны іх фотаздымкі ў маладосці. Шмат цёплых і ўдзячных слоў ветэраны педагагічнай нівы пачулі ад намесніка старшыні райвыканкама Іны Лысенка.
Віншаванні і ўзнагароджанні перамяжоўваліся цудоўнымі музычнымі нумарамі выхаванцаў Відзаўскага ДК. Не засталіся педагогі абыякавымі і ад кранаючага верша ў выкананні Яўгена Набеева.
Алена Пятушка.
Фота аўтара.
С. Шматаў уручае знак “Выдатнік адукацыі Рэспублікі Беларусь” У. Сакалоўскаму.
На саксафоне іграе В. Цітовіч.
Государственные символы - зеркало наших национальных ценностей, идентичности нашего народа и в Беларуси уровень уважения…
Продолжается консультативная помощь по медицинско-лечебному профилю преподавателя Витебского государственного медуниверситета для жителей Браславского района. Выезд…
В это воскресенье православные верующие будут отмечать Светлое Воскресение Христово - Пасху. Среди разнообразных праздничных…
С 2003 года 28 апреля Международная организация труда ежегодно проводит Всемирный день охраны труда, акцентируя…
В весеннюю пору года многие обращают внимание на запах сирени. Кажется, что этот чарующий аромат…
Налоговая инспекция напоминает: ...О формировании чеков плательщиками налога на профдоход. Инспекция МНС по Полоцкому району…